11/8/2025 10:00

酒店食完早餐，就出發去今行一個主題樂團，知道廣州都有一個職業體驗樂園，特登由抽日去玩。日本版就未玩過，先玩一個低配版。廣州地鐵搭到去嘉禾望崗站，車程就20分鐘左右，但係出左站後要行好遠，可能咁岩附近有工程，所以路線都非常崎嶇。

閒魚買門票，2大2小入場費只需要115元，玩足4小時，真係勁抵。

樂8小城係一個專為兒童設計嘅職業體驗主題樂園，將真實社會微縮成「小城市」，場地比想像中大，每個場館佈置都幾真實，配備各式迷你版嘅工具同設備。小朋友可以著起各式職業制服，參與唔同嘅職業體驗，最後就賺「E幣」。今日係暑假期間嘅工作日，估計人流較少，所以採用導師帶領去指定職業嘅方式，不過總算大部份想玩嘅人氣職業都玩過。一小隊有兩位導師，帶領八個小朋友。換衫之後就一輪講解上課，之後就做唔同嘅活動。部份比較簡單，9歲嘅姐姐感覺有啲悶，但4歲嘅細佬就玩得好開心。

押運員﹕著起避彈衣，拎住槍，坐押運車將夾萬送去收銀台。

消防員﹕坐消防車去場地使用水槍滅火。

牙醫﹕教你擦一副巨型牙齒模型。

警察﹕拎住槍、警棍，安全過馬路係街上巡邏。

醫生﹕用聽筒檢查。

地震體驗﹕

星球探索﹕過濾沙石搵寶牙。

郵差﹕喺郵局拎包裹送去指定地方。

蛋糕師﹕蛋糕用轉盆加上鮮忌廉，最後淋上草莓果醬。

考古學家﹕喺沙裡搵寶物，真係搵到金色嘅細東西，人工加倍。

工程師﹕操控手挖土機。

飛機師/空中服務員﹕模擬駕駛飛機，送餐俾乘客。

魔術師﹕學幾款道具魔術。

最後儲到一袋錢，換左玩具首飾同車仔。

整體黎講，玩足四個鐘，真係一個低成本製作，但都算有誠意，呢個價錢絕對抵玩。今次基本上想玩嘅玩晒，應該唔會再來了。

---

喜在糖里手作糖水

中場休息美團外賣糖水。

雙皮奶 15元﹕雙皮奶表面凝結著一層標誌性嘅微皺奶皮，口感如絲滑，奶香濃郁，甜度溫和，入口即化。

開心果雙皮奶 22元﹕呢款係雙皮奶嘅基礎上加入淡綠色開心果糊，味道幾濃，但略嫌份量稍少。上面再加入開心果碎，有堅果烘烤香氣，加入酥脆口感。

喜糖大滿貫 18元﹕鋪滿色彩繽紛、用料豐富嘅各式配料，晶瑩剔透嘅桃膠，三色芋圓軟糯Q彈，仲有綿密嘅芋泥，以及其他各種配料，滿滿一碗。最後自行加入鮮牛乳，牛奶味醇香，整體甜度控制得恰到好處，甜而不膩。