大圍 20/4/2025 08:00

今日全家總動員出發去珠海，喺大圍集合。時間尚早，上中港車之前食個豐富早餐，估唔到圍方都有平早餐食。

樂麥蘆卡蜜糖雞扒、香腸拼炒麵﹕麥蘆卡蜜糖雞扒早餐嘅賣相吸引，雞扒金黃油亮，表面均勻覆蓋住蜜糖醬。雞扒外皮煎得微脆，帶有香氣，肉質軟嫩多汁，蜜糖同雞扒嘅微焦香味融合，味道甜甜的。炒麵炒得乾身、香氣十足，有加到芽菜。

燕麥奶滑蛋雞扒漢堡﹕漢堡由金黃飽滿嘅麵包包裹住滑蛋，加上色澤金黃嘅煎雞扒。漢堡包非常鬆軟，有好香麥味。燕麥奶滑蛋柔嫩順滑，蛋味香濃。雞扒煎得外脆內嫩，仲保留住肉汁，鹹香濃郁，食落完全唔會覺得乾。醬汁帶微酸沙津醬，仲有芝士咸香味。