9/8/2026 15:30

離開地鐵博物館，行步去搭廣州的最美七公里。由萬勝圍站去廣州塔站全程車費每位2元，車程20分鐘左右。列車細細架，座位唔多，人太多，所以體驗麻麻。沿途緊貼著珠江水岸與綠化帶，窗外嘅風景係OK既。

---

鎏耕糖

廣州塔廣場 9/8/2026 16:30

入到廣州塔廣場，人流非常多，幸好搵到間甜品店可以稍坐。點評買券63元兩個，價錢唔平。

抹茶芝士哈蜜瓜冰﹕碗底鋪滿清甜多汁嘅新鮮哈密瓜肉，果香四溢；上面覆蓋住濃郁幼滑嘅抹茶忌廉與鹹香醇厚嘅芝士奶蓋，抹茶嘅微苦回甘同芝士嘅濃郁奶香完美交融，完美中和咗甜度。冰底刨得極之細膩綿密，入口即化。

芝士巧克力牛奶冰﹕芝士巧克力牛奶冰絕對係朱古力控嘅極致享受。濃郁嘅朱古力醬緊緊包裹住如雪花般細緻嘅牛奶冰底，入口即溶且充滿香濃嘅可可苦甜。面頭淋上厚厚一層鹹香順滑嘅芝士奶蓋，微微嘅鹹味將朱古力嘅甜膩感徹底化解，令整體風味更加醇厚，係邪惡感與滿足感爆棚嘅消暑甜品。

---

廣州塔廣場門外有個打卡位，影出黎嘅畫面幾特別。

商場都幾大，周圍行下都行到七點。原來晚上有人流管制，封晒廣場周邊嘅地鐵出入口，跟住人流行到去戶外，再轉番入地鐵站，人頭湧湧。