馬鞍山 23/12/2025 12:00

卡邦尼扁意粉 $65﹕扁意粉煮得極之彈牙有咬口，每一條都完美掛滿濃郁醇厚嘅忌廉白汁同誘人蛋香，配埋鹹香煙肉粒、大量菇菌，白汁質地啱啱好，夠晒creamy得嚟又完全唔會覺得漏。

香草白汁烤雞拼黑椒豬焗珍珠飯 $67﹕極具份量，呢碟焗飯可以一次過滿足兩個願望！一邊係帶有清新香草味嘅白汁烤雞，雞肉極之嫩滑多汁；另一邊就係惹味微辣嘅黑椒豬柳，肉質軟腍入味。底層嘅珍珠飯，飯粒圓潤分明，索晒兩種醬汁嘅精華同埋焗到微焦嘅芝士香，熱辣辣味道極之豐富。

香脆香柳滑蛋蓋飯 $65﹕炸到金黃色嘅香柳外層極之酥脆，入面肉質依然保持鮮嫩。重點係面頭嗰層滑嫩無比嘅半熟炒蛋，蛋香四溢，加埋微甜惹味嘅醬汁撈飯，外脆內軟嘅配搭簡直係天作之合。

焗田螺伴薯蓉﹕田螺肉質彈牙有咬口，吸滿晒蒜香同香草嘅精華，非常惹味。底層薯蓉極之綿滑，熱辣辣嘅薯蓉完全吸收晒田螺流出嚟嘅牛油汁，入口即化。

---

馬鞍山 20/7/2025 18:00

十號風球最佳節目係落樓下歎個舒服Lunch。

慢煮牛臉頰配炒雜菇 $108﹕份量唔少，牛臉頰慢煮至軟嫩多汁，入口即化，肉質細膩帶有濃郁牛香味。加少量鮮番茄蓉已經好好味，配上綿密嘅薯蓉，味道咸香，原汁原味，又夠飽足。另外一碟炒雜菇有多種新鮮菇類，簡單用蒜香爆炒，保留了菇類嘅鮮甜同彈牙口感，而且菇汁豐富。

海鮮龍蝦汁意大利飯 $85﹕米飯以龍蝦湯底慢慢熬煮，吸收了濃郁嘅龍蝦精華，散發出迷人嘅鮮甜香氣，米粒軟硬適中口感黏稠。搭配新鮮嘅海鮮如蝦仁、蜆仔、青口等，帶海洋咸鮮味。

溫泉蛋卡邦尼螺絲粉 $75﹕螺絲粉完美吸附濃郁卡邦尼醬汁，醬汁以帕瑪森芝士、蛋黃同奶油調製，濃滑香醇，每一啖充滿奶香同芝士鹹香。配料有培根碎、菇類等，一隻溫泉蛋更是點睛之筆，劃破蛋白，金黃嘅蛋液緩緩流出，與醬汁融合，增添絲滑口感與濃郁感。

焦糖雪糕海鹽窩夫 $28﹕賣相勁靚，甜鹹交融、層次豐富嘅甜品。窩夫壓平外層酥脆，帶著牛油香，剛出爐仲溫熱，而焦糖雪糕則係冰凍，形成絕妙對比。雪糕係牛奶底味再加上海鹽嘅咸味，切開中間，原來係海藍色，勁靚，海鹽味咸味恰到好處地平衡了甜膩，超級正斗。

奶蓋奶茶 $14﹕奶茶茶底濃郁香滑，頂層加上咸味嘅奶蓋，鹹甜交融，味道更加豐富。