21/4/2025 12:00

睇完馬戲秀，返企鵝酒店食午市自助餐。本身每組套票贈送兒童自助早餐，好彩問一問前台，只需要補30元就可以升等食午餐。小朋友100CM以下仲免費。酒店房客仲有餐飲優惠，成人二人同行只需要248元，真係抵到爛!

餐廳相當大，有落地玻璃可以見到企鵝，不過果區人多，而且較迫，坐另一邊大長枱非常舒適闊落。

餐廳食物選擇都唔少，最可愛就係角色卡通造型包點，仲有一個專櫃俾小朋友自取食物。比較好食嘅有燒烤，甜品選擇都幾多。今期有即沖薑汁撞奶，薑味夠濃，非常幼滑。特色炒雪糕味道不錯。

適逢復活節，小朋友仲可以抽復活蛋換禮物，非常開心。