卓悅匯 23/11/2025 17:00

輕享下午茶雙人餐 93元

巴斯克芝士蛋糕﹕賣相討好，食落去口感極之綿滑，芝士味超級濃郁得嚟又完全唔會覺得滯。面層微微嘅焦糖烘焙香同內裡嘅幼滑芝士形成強烈對比，甜度控制得啱啱好，每一啖都令人有一種入口即化嘅滿足感。

小吃三拼﹕香氣撲鼻，賣相極之吸引。炸雞米花粒粒金黃香脆，一咬落去外層極之香口，內裡嘅雞肉依然保持嫩滑多汁。烤雞翼外皮烤得微微焦香，充滿獨特嘅燒烤風味，肉質軟腍而且醃得非常入味。薯條新鮮即炸熱辣辣，外脆內綿，充滿濃厚嘅薯香，

拿鐵咖啡豆嘅烘焙甘香同鮮奶嘅綿滑完美融合。入口極之順滑醇厚，微甜。

熱梔子烏龍茶﹕用嘅茶具非常特別，熱茶一斟出嚟，清雅嘅梔子花香已經撲鼻而來。烏龍茶底醇厚甘甜，花香同茶香融合得非常自然，飲落喉嚨感覺極之順滑舒暢。熱茶溫潤清幽，完美洗滌咗口腔入面嘅芝士餘韻，令味蕾重新變得清新。