深圳下沙KK One 16/3/2025 12:00

裝修非常有格調，環境靚，每張枱都有靚佈置，感覺高級。

招牌牛排雙人餐 159元

炭烤安格斯板腱牛排130g﹕以高品質呈現，安格斯牛嘅優質板腱部位，經過炭烤處理，牛排表面烙出金黃帶微焦嘅紋路，散發炭火特有嘅焦香，每次送入口都感受到獨特嘅煙燻風味。肉質細膩嫩滑，加上適量油花，令牛排既有柔嫩口感，不失咬勁。內裡則保持完美火候，嫩紅肉色加上肉汁豐富，展現牛應有嘅鮮嫩與味道。三款醬汁分類有孜然辣椒粉、黑椒汁同甜燒汁，每款配合都有唔同效果，不錯。配搭嘅配菜有時蔬、滑順嘅薯蓉，份量細細但味道不錯。

炭烤法式滋味羊排130g﹕做法正宗，擺盆精美。羊排經過炭烤處理，每塊羊排外層焦香酥脆，金黃微焦嘅表面散發陣陣炭火香氣。肉質嫩滑多汁，而且油脂分布均勻，入口腍滑，油脂即化。羊肉嘅獨特膻味保留得恰到好處，濃郁肉香，可以自由配搭三款醬料，令人回味無窮。

肉醬意麵：迷你份量，意粉煮得適中，加上少少蕃茄同埋肉碎。

什蔬南瓜雞胸肉沙律：雞肉非常多，真係肉多個菜，外皮煎得脆，中間仲幾嫩滑。沙律有各款蔬菜，甜粟米，車厘茄等等，加上酸甜嘅芝麻醬。

黑松露薯條﹕薯條新鮮即炸，外脆內軟，配以黑松露嘅獨特風味，加點菇菌味鹹香。

本身跟餐自選兩款甜品或飲品，最後叫左一杯咖啡，慕斯蛋糕，額外多送一件。呢款慕斯蛋糕結合芒果嘅鮮甜同蛋糕嘅輕盈，慕斯質地細滑輕，入口即化，帶有濃郁嘅果香，蛋糕鬆軟略帶濕潤，不錯。

點評打卡再送兩個甜品，揀左一個提拉米素，焦糖燉蛋。提拉米素比較實淨，芝士慕絲香滑，加上輕微咖啡味嘅蛋糕，簡簡單單。焦糖燉蛋味道香濃，上邊灑咗一層綠茶粉，有啲特別。