深圳領展中心城 3/8/2025 17:00

下午茶 98元

高蛋白肉多多拼盤：個份量好足，名副其實嘅「肉多多」。拼盤入面有齊雞肉、豬柳條、大蝦，配菜有粟米，色彩繽紛，睇見都開胃。雞肉質好嫩，大蝦就好爽口彈牙，好新鮮。成個拼盤調味都比較清淡，食得出食材嘅原味，啱晒追求健康嘅朋友。

香糯脆皮紅薯條：同平時嘅薯條唔同，呢個用紅薯整，顏色橙橙哋好吸引。外層炸得好香脆，但入面就保持到紅薯嘅軟糯同香甜。食落甜甜鹹鹹，口感好特別。最好食係個醬汁，酸酸甜甜好香洋蔥味。

凍拿鐵：咖啡味夠香濃，同牛奶嘅比例啱啱好，飲落好順滑。

楊枝甘露：芒果味好香甜，西柚粒帶少少甘苦，加埋煙韌嘅西米，口感層次好豐富。甜度適中，唔會太膩，作為一餐嘅結尾非常完美。