深圳In城市廣場 18/5/2025 16:30

美式烤雞芝士薄餅 59元﹕賣相不錯，以煙燻烤雞作為主角。薄餅餅皮外層烤得香脆金黃，入口時能聽到輕微的酥脆聲，而內層依然柔軟有彈性。上面材料豐富，烤雞鮮嫩多汁，醬汁濃郁香味，再加入紅洋蔥、甜椒和青蔥帶來了一絲酸甜和清新，仲有大量沙律醬，酸酸甜甜好開胃。仲加左一些芝麻菜，提升整體的清新感。

斑斕森林小綠方 29元﹕斑斕森林小綠方係幾塊條狀烤多士配上獨特醬汁。外觀配搭都有大自然風味。多士外層酥脆烤，金黃誘人，中間綿密豐潤。兩款醬汁色彩鮮明，一綠一紅。綠色嘅應該係斑斕汁，斑斕同椰奶香。另一款有一點酸似乎係加入水果汁。

斑斕月光鮮凝乳 32元﹕名稱靚，賣相靚。中間係一件斑斕月光鮮凝乳類似係布甸，口感綿滑，有椰香味。再加上唔同夏日水果，有香蕉、西瓜等。仲加左青檸多一份獨突嘅酸味，但合併起來唔太夾。

以星球為主題嘅餐廳，以UFO飛碟運送食物到枱上。可惜部份菜式都係人手送上，感覺打折扣。菜式配搭比較特別，真係有啲九唔搭八嘅太空食物感。新開業，埋單可以用46買100元代金券，下午茶來講非常抵食。但係雷聲大雨點少，試過就算。