美團外賣 1/7/2025 18:00

冰爽大片牛肉湯冷麵 31.8元﹕呢款冷麵以清爽嘅牛肉湯為基底，加上醋酸味，非常清胃開胃。搭配大片嫩滑嘅牛肉，湯頭清澈，麵條煙韌彈牙，入口冰涼解暑。牛肉嘅鮮香與湯汁嘅清甜融合，非常適合夏日。

芝士雞蛋卷 17.8元﹕濃郁嘅芝士融入蓬鬆嘅雞蛋卷中，每一口都感受到芝士嘅香濃。外層金黃微焦，雞蛋非常嫩滑，內裡柔軟多汁，口感層次豐富，深受小孩喜愛。

韓式炙烤肥牛拌飯 32.8元﹕飯面舖滿炙烤至微焦嘅肥牛片，仲有超大量芝士，非常吸引。搭配韓式辣醬、蔬菜同半熟蛋，拌勻後香氣四溢。肥牛油香味，都幾腍滑，辣醬夠辣味，惹味。

炒年糕 9.8元﹕Q彈嘅年糕加上濃郁韓式辣醬，搭配瓜菜等配料，辣中帶甜，辣味十足。年糕夠軟糯煙韌。