30/12/2025 09:30

今日早餐係酒店旁嘅早餐店，可惜無位坐，只能外賣。全人手即叫即製，等嘅時間都幾耐，但味道係不錯的。

德式香腸潛艇堡套餐 NT$90﹕德式香腸外皮脆脆，有肉香鹹香，咬落去外皮微微緊實，入面就保留到肉汁，口感彈牙。麵包鬆軟，加上醬汁及生菜，好味。

麥香雞漢堡 NT$45﹕雞肉外層炸得香脆，入口先感受到脆口感，之後就係雞肉本身嘅嫩滑。

豬肉蛋漢堡 NT$50﹕豬柳更香口惹味。

里肌蛋堡 NT$60﹕里肌肉排紮實，咬落有肉香，配上煎蛋加入蛋香。

肉鬆蛋餅 NT$40﹕蛋餅皮帶少少煙韌感，入口柔軟之中又有咬口，再加上肉鬆，鬆香同鹹甜交錯嘅味道。

起司蛋餅 NT&40﹕蛋餅本身已經有基本蛋香，而起司一加落去，整體即刻變得更加濃郁。熱食時起司帶住軟滑口感，拌埋蛋餅一齊入口，滿足。

鮪魚蛋吐司 NT$50﹕吐司烘得啱啱好，外層會有香脆，入面係鮪魚餡同煎蛋，簡單味美。

豆漿 NT$20

巧克力牛奶 NT$35