馬鞍山 13/4/2025 19:30

Encore 招牌大盛豚骨叉燒拉麵 $62

大盛豚骨叉燒拉麵集合左濃郁湯底、彈牙麵條同厚切叉燒嘅經典組合。湯底都幾香，豚骨香氣撲鼻而來，奶白色湯底，仲有薄薄嘅油花，非常誘人。濃郁而唔油膩，醇厚鮮甜，速食來說不錯。拉麵煮得恰到好處，彈牙有韌性，能夠掛湯。叉燒厚切，外層經過適度炙烤，帶著微微焦香，而內裡保持著豬肉嫩滑多汁，肥肉部分入口即化。半熟溏心蛋更愛，蛋黃呈現誘人嘅橙黃色，蛋黃流心，蛋白部分經過醬油醃製，帶有淡淡嘅鹹甜香氣。配菜亦夠豐富，呢個價錢，外賣算是非常唔錯。

馬鞍山 30/3/2025 18:00

呢間新開拉麵店原來係太興旗下，價錢相當抵，今次試試外賣。外賣包裝學足大陸，保溫袋裝好，連湯都用膠樽袋加獨立保溫袋另上，感覺企理。呢個價錢亦會交足功課。

招牌大盛豚骨叉燒拉麵 $62﹕拉麵份量十足，有三大片叉仲有溏心蛋。湯底乳白色，豚骨味濃郁，甜度適中亦帶咸香味，口感幼滑有膠質感，唔太油，算唔錯。麵條屬於偏橙黃色嘅中粗拉麵，無得要求麵硬度下，質感軟硬適中，仍然保持嚼勁，麵條都可以吸附住湯汁。拉麵上鋪左三大片叉燒片，肥瘦分佈均勻，肉質鮮嫩，有微微嘅炙燒香味。溏心蛋係必試亮點，蛋白吸晒甜甜嘅醬油味，蛋黃流心度剛好，亦非常入味。另外仲有爽脆嘅筍絲、木耳絲同埋青蔥等，紫菜一大片，自行浸湯即可。

一橋油麵 $52﹕油麵金黃色，舖滿咗青蔥碎同胡麻醬，再加上一點紫菜碎做點綴。麵條較粗身，煙韌彈牙，煮得剛剛好，嚼起來具有韌度，每一條麵都可以沾上惹味嘅醬汁。調味係微甜醬油，鹹甜適中相當惹味。材料仲大大片叉燒，味荀，蔥花，木耳，海苔絲。一隻溫泉蛋拌勻令麵更加濃厚柔和。

海老濃湯叉燒拉麵 $62﹕期間限定海老濃湯。湯底係偏橙嘅海老濃湯，蝦味濃郁，口感柔順濃厚，海味十足。