青衣 1/12/2024 21:00

素雞辛味蕃茄沾麵配吉列炸豬扒 $88

辣番茄湯底有驚喜，味道香濃，甜酸有道，帶一點辣度配合得不錯。沾麵上仲一樣素肉同菇味醬汁幾特別。炸素豬扒都係麵根所製，一般應有的素食肉口感和味道。可算創作一味。

叉燒沾麵$98

沾湯另上，拉麵同幾片好粉紅嘅叉燒同溏心蛋分開。沾湯都算幾濃，係魚介豚骨湯，口感幾幼滑。沾麵較粗口，都非常掛湯。叉燒油花分布均勻，肉質柔嫩，味道白煮，喺沾湯中浸幾下會好味啲。溏心蛋有適當流心算不錯。以偏愛重口味嘅本人黎講，湯都可以唔洗加清湯直接飲用。

白五輪洞叉燒拉麵 $85

叉燒拉麵湯底更加柔和一點，拉麵係幼身麵，吸附湯汁比較腍滑。