沙田 15/11/2025 12:30

南蠻雞扒味噌拉麵、日式叉燒飯定食 $87

套餐非常抵食，而且份量多，一個價錢有齊三種享受，足夠二人分享。
南蠻雞扒獨立另上，保持到雞扒嘅香脆。雞扒炸到金黃色，外皮酥脆，雞肉依然嫩滑多汁。最正係淋上超足量嘅南蠻醬，酸酸甜甜非常開胃，中和咗炸物嘅油膩感。

拉麵湯底係濃厚嘅味噌湯，拉麵煮得軟硬適中，保持到彈牙口感，仲有兩片日式叉燒，肥瘦均勻，入口鬆化。

日式叉燒切碎鋪滿成個碗面，叉燒都燒到邊位帶少少焦香，表面油光亮麗，瘦肉嘅部分依然保持鬆軟，充滿肉汁，唔會太乾柴。