馬鞍山 19/4/2026 19:00

外賣平台自取仲平過門市買。連埋平台優惠，全單$152。

黑蒜油叉燒拉麵 $32﹕陣陣黑蒜油嘅焦香撲鼻而來，湯底飲落非常濃郁，豬骨湯鮮甜加上黑蒜油嘅香。麵條彈牙，掛滿晒黑蒜油湯汁，叉燒肥瘦比例均勻，但肉質有點韌。溏心蛋夠溏心。呢個價錢絕對可以。

火炙壽司拼盤 $132﹕一碟有齊六款，賣相已經超級吸引。火炙多一份焦香味。蒜蓉牛油帶子鮮甜，表面微微燒過，做到外香內軟；芝士熟蝦壽司食落非常爽脆﹔三文魚有兩款，芝士三文魚腩入口即化，芝士嘅鹹香同魚油融為一體，口感極之順滑。另一款七味三文魚中腩加左香濃燒汁，更惹味。鰻魚肉質鬆軟，配埋香甜嘅蒲燒醬汁，仲有芝士。蟹子沙律玉子燒﹕甜甜地嘅玉子燒配上卜卜脆嘅蟹子。整體感覺不錯。