馬鞍山 1/1/2026 17:00
乾炒豬扒即食伊麵 $50﹕濃郁嘅豉油香同埋火候十足嘅鑊氣撲鼻而來。豬扒醃得極之入味，煎到外層微微金黃香脆，咬落去肉質軟腍多汁，完全唔會覺得嚡口。公仔麵炒得乾身爽口，條條分明，均勻咁吸滿晒微甜嘅老抽精華。配埋爽脆嘅芽菜、洋蔥絲同埋椰菜一齊大啖大啖咁食，非常惹味。
揚洲炒飯 $49﹕飯粒炒得金黃分明，唔會覺得油淋淋。入面嘅配料極之豐富足料，有鮮甜彈牙嘅蝦仁、鹹香惹味嘅叉燒粒、增加口感嘅青豆同埋甘香嘅蔥花。炒蛋碎均勻咁分佈喺每一粒飯之間，散發住極濃郁嘅蛋香。
馬鞍山 22/12/2025 12:00
厚切豬扒勁香蔥油飯$67﹕份量澎湃好吸引，主角厚切豬扒真係份量十足，煎到外層微微金黃香脆，切開入面依然保留住豐富嘅肉汁，肉質極之腍滑，完全無嚡口嘅感覺。最靈魂嘅絕對係面頭嗰鋪勁香蔥油，鹹香惹味，將啲蔥油撈埋白飯一齊大啖大啖咁食，油香同蔥香喺口腔瞬間爆發，撈飯一流。
焗黑松露汁一口雞球飯 $69﹕熱辣辣一上枱，舖滿芝士。一啖一粒嘅一口雞球肉質鮮嫩爽滑，食落啖啖肉，極之方便。香濃醇厚嘅黑松露汁完美咁包裹住每一粒白飯同埋雞肉，加上焗飯特有嘅微焦香氣，口感層次極之豐富，食到底都完全唔會覺得溜。
經典西多士 $20﹕炸到金黃色，面頭嗰塊牛油慢慢融化，視覺上極之邪惡。淋埋香甜嘅糖漿一齊大啖咬落去，外層微脆，入面極之軟熟，仲有香濃嘅花生醬夾心。糖漿嘅甜、牛油嘅鹹香同花生醬嘅濃郁，每一啖都充滿住濃厚嘅港式情懷，令人完全停唔到口。
香脆牛奶卷 $22﹕外層炸得極之酥脆，咬落去會聽到清脆嘅聲音，入面軟滑無比嘅牛奶餡，奶香極之濃郁醇厚，甜度控制得啱啱好。
馬鞍山 9/11/2025 11:00
今次過來食早餐
野菌火腿炒蛋配熱香餅 $37﹕熱香餅軟綿綿，入口充滿蛋香同奶香，口感鬆軟，淋上糖漿同少少牛油，甜甜地。炒蛋半熟滑溜狀態，好Juicy。野菌炒得好香，同鹹香嘅火腿粒相當夾。
沙嗲牛肉麵配炒滑蛋拼丹麥酥包 $38﹕牛肉醃得入味，咬落去仲係好軟腍。沙嗲汁夠晒濃厚，仲有濃郁嘅花生味。公仔麵煮得啱啱好，爽口彈牙，吸滿咗惹味嘅沙嗲汁。炒蛋非常滑溜，蛋香十足。丹麥酥包比起傳統牛油多士更有層次感。烘熱咗嘅酥皮酥脆得嚟充滿牛油香，內裡依然保持鬆軟。將滑蛋夾埋落酥包度一齊食，外脆內軟又滑溜。
另一款揀左五香肉丁麵，肉丁份量唔少，切得大小適中，非常入味，辣油香中帶麻、辣而不嗆嘅味道，撈落個湯底度，麵條微辣，不錯。
馬鞍山 2/11/2025 17:30
雖然係下午茶但份量十足。
乾炒豬扒即食伊麵 $50
伊麵炒得夠乾身，唔油膩，麵條都沾滿醬油香氣，炒過之後更加彈牙爽口。豬扒厚切大塊，醃得入味又鬆軟。配菜仲有好多洋蔥、椰菜，香甜又清爽。
揚州炒飯 $49
飯粒金黃分明，鑊氣十足。叉燒粒、蝦仁、蛋絲同蔥花分佈平均，顏色鮮艷睇落已經好開胃。每一啖飯都乾爽有咬口，叉燒嘅甜味同蝦仁嘅鮮味融合得啱啱好，仲有蛋香，不錯。
經典西多士 $20﹕金黃色相賣靚，每件都放左一小塊牛油，再淋上滿滿嘅糖漿。多士炸到香脆邊，內裡就吸滿蛋漿，仲有勁厚嘅花生醬，足料。
冰火菠蘿包 $12﹕賣相吸引，熱辣辣嘅菠蘿包夾住一塊冰凍嘅厚牛油，趁熱一啖咬落去，酥皮又香又脆，甜度啱啱好，麵包本身非常鬆軟。重點係塊牛油，味道鹹香，一冷一熱，超正。
0 Comments