Misocool@沙田
21/10/2012 20:30
Misocool，配型格裝修，有別於一般傳統拉麵店。菜單更多元化，由拉麵、便當，到Fusion菜式，以及乳酪甜品都有。 團購$69一個日式套餐，包括叉燒拉麵或日式咖喱吉列豬扒飯，多一客餃子同特飲，似乎相當吸引，值得一試。
秘製日式咖喱吉列豬扒飯
賣相確實討好，連白飯都裝得靚靚。主角吉列豬扒炸得熱辣辣、金黃酥脆。薄薄嘅炸粉香脆唔油膩，中間嘅肉肥瘦適中，仍然保存到少量肉汁，尚未至於乾柴，只可惜肉味欠奉。至於咖哩係典型水果感超重嘅日式咖喱，甜味之後，到達喉嚨丁先滲出一點辣。咖喱味相當濃厚，連伴菜嘅紅蘿蔔都腍到爛，相信用上唔少蔬菜水果熬製，並非開粉貨色。配上豬扒、煙韌度十足嘅日本米飯一齊食，反而咖哩味更為突出。
招牌叉燒拉麵
另一款叉燒拉麵更為討好。有三大塊叉燒，配上半隻溏心蛋，仲有唔少粟米粒、芽菜、筍等，非常豐富。奶白色嘅湯底係九州豬骨湯，比特濃豬骨湯輕身。豬骨味之外，再加上奶香味，口感更為幼滑，忌廉咪。比一般的更為香甜，而且唔油膩，個人更加喜愛，最後全碗飲清光。至於拉麵係粗身麵，彈牙的確彈牙，但咬落就變得粉粉粒粒，煙韌度大減。而且浸耐左變得腍身黏口，確實失望。不過主角叉燒真係好味到無得頂。三大片叉燒相當厚身，達四肥六瘦嘅黃金比例，口感超級爽口，肉味頂級香甜。叉燒本身除左甜味之外，亦有香甜嘅日本醬油味，以少許咸味帶出肉嘅鮮甜。將叉燒沈浸喺豬骨湯之中，肉嘅甜味更加提升，值得一讚。至於溏心蛋亦相當出色，熟成度可算係完美，蛋白仍然軟腍，蛋黃呈半熟嘅啫喱狀，黏口非常，蛋香亦充足。可算係個人好喜歡嘅一碗拉麵，叉蛋麵正是本人最愛嘅配搭。
另一款叉燒拉麵更為討好。有三大塊叉燒，配上半隻溏心蛋，仲有唔少粟米粒、芽菜、筍等，非常豐富。奶白色嘅湯底係九州豬骨湯，比特濃豬骨湯輕身。豬骨味之外，再加上奶香味，口感更為幼滑，忌廉咪。比一般的更為香甜，而且唔油膩，個人更加喜愛，最後全碗飲清光。至於拉麵係粗身麵，彈牙的確彈牙，但咬落就變得粉粉粒粒，煙韌度大減。而且浸耐左變得腍身黏口，確實失望。不過主角叉燒真係好味到無得頂。三大片叉燒相當厚身，達四肥六瘦嘅黃金比例，口感超級爽口，肉味頂級香甜。叉燒本身除左甜味之外，亦有香甜嘅日本醬油味，以少許咸味帶出肉嘅鮮甜。將叉燒沈浸喺豬骨湯之中，肉嘅甜味更加提升，值得一讚。至於溏心蛋亦相當出色，熟成度可算係完美，蛋白仍然軟腍，蛋黃呈半熟嘅啫喱狀，黏口非常，蛋香亦充足。可算係個人好喜歡嘅一碗拉麵，叉蛋麵正是本人最愛嘅配搭。
嫲嫲餃子
一碟有六隻餃子，團購餐絕無偷工減料。餃子皮非常薄，底層煎得焦香脆口，餡料係豬肉、菜等，味道正常，唔算突出。
一碟有六隻餃子，團購餐絕無偷工減料。餃子皮非常薄，底層煎得焦香脆口，餡料係豬肉、菜等，味道正常，唔算突出。
鮮雜果香橙賓治
以香橙、菠蘿同檸檬等調成嘅雜果賓治，味道幾清新，酸甜開胃，解渴一流。
值得一試。
0 Comments