深圳壹方天地 2/3/2025 13:00

葷四素一小吃超值2-3人餐 108元

第一次試貴州紅酸湯，因為夠抵食。番茄鍋鮮剁牛肉沫餅已加鍋裏。紅酸湯底係正宗貴州風味，酸香味撲鼻，一入口就能感受到果酸，番茄味勁濃，仲有好多牛肉碎。貴州山胡椒薄荷牛肉算嫩滑，滲透住山胡椒嘅香麻味，加埋淡淡薄荷清香，幾特別。手切美式肥牛肥瘦適中。花溪手打薄荷貢菜丸子飽滿彈牙，貢菜味好濃。火鍋料可以加入、娃娃菜、金針菇等。貴州餌塊似係糯米製成嘅年糕咁，食落去口感煙韌又柔嫩，帶有淡淡嘅米香，幾特別。貴州撅粑都係類似嘅野，口感較滑。係貴州豬板筋勁韌，完全食唔到。米飯、醬料自助，可以無限續。

熱食有鍋巴土豆，炸到外皮金黃酥脆，內裏依然鬆軟香滑，但係調味勁辣。整體味道好重口味又刺激，試過就算。