深圳上梅林卓悅匯 26/1/2025 15:00

司也蛋撻推出嘅多款創意口味，將傳統與現代結合，每一款都充滿驚喜，點評優惠29.9 元任選六個。

金黃色嘅表層，微微裂開嘅焦糖表面，一口咬開，外皮鬆化脆卜卜，千層酥皮嘅口感層層分明。內餡濕潤而香滑，入口即化又唔會過甜，唔同嘅內餡，款款味道不同。

開心果口味：內餡細滑香甜，散發出獨特嘅堅果香味，頂層灑滿嘅開心果碎，更添咬感，配合鬆化酥皮實在一試難忘。

榛果巧克力口味：內餡係濃郁，一口融化嘅榛果醬，同微微焦脆嘅酥皮形成天作之合。朱古力嘅甜同榛果嘅香真係最夾。

豆乳團子：內餡係豆乳蛋漿，淡淡嘅豆香相當清爽，團子黏糯煙韌，與蛋撻鬆化酥皮形成對比。

黑芝麻團子：濃郁嘅芝麻香味，細膩嫩滑，與團子嘅質地完全融合，味道不太甜。

摩卡口味：淡淡咖啡苦香與奶香結合，唔會過於甜膩。

魚子蟹柳口味：比較獨特嘅鹹鮮口味，蟹柳加上魚籽，甜中帶微微鹹味，就係下午茶小食之選。

整體嚟講，司也蛋撻喺創意方面表現得淋漓盡致，每個蛋撻口味各具特色。