深圳翠竹 6/4/2026 16:00

酥脆雞扒蔥油拌麵 19.9元﹕陣陣濃郁嘅蔥油香已經撲鼻而來。將麵條同底層嘅秘製醬汁撈勻，麵條食落超級彈牙有咬口，每一條都掛滿蔥油精華。配埋嗰塊炸到金黃色嘅雞扒，外皮極之酥脆，入面嘅雞肉就保持軟嫩多汁。

蔥酥骨湯抄手、琥珀冰粉 24.8元﹕抄手做到皮薄餡靚，咬落去肉汁爆滿。最加分係面頭撒滿嘅紫菜。冰粉晶瑩剔透，食落滑嘟嘟，配埋清甜嘅糖水同豐富嘅配料，入口冰涼透心。

鮮嫩草飼牛肉串 13.5元、內蒙古羔羊羊肉串 13.5元﹕牛肉串肉質極之腍滑，牛味好出；而羊肉串燒得啱啱好，高溫逼出羊脂香氣，食落甘香豐腴，完全無過分嘅羶味。兩款串燒嘅孜然同辣椒調味拿捏得好精準，夠晒惹味。