10/8/2025 16:00

離開博物館，就近就有一個好新嘅大商場K11。行得累先食個下午茶先，呢間入續甜品係深圳都有分店，但一直都未試過。點評46.8元有一份下午茶餐，有一件蛋糕，加一碗糖水，都唔算太貴。櫥窗見到蛋糕款式都幾多，款款都幾吸引，最後揀左黑巧開心果。

黑巧開心果士多啤梨蛋糕﹕賣相幾靚，側面見到蛋糕一層層，有鬆軟嘅蛋糕，朱古力忌廉等，朱古力味好夠濃，中間仲夾左開心果碎，堅果味香，兩者混合味道相當不錯，上面仲有一大粒士多啤梨酸酸甜甜。

娟姍奶大滿貫﹕多種滋味集於一碗，又豐富又豪華嘅糖水。娟姍奶奶味濃郁，質地醇厚綿密，自帶甘甜呼，奶本身香醇不甜膩。配料有Q彈軟糯嘅芋圓、爽口腍滑嘅核膠、味道清甜口感沙沙嘅紅豆、爽滑嘅仙草，蓮子都非常綿密清甜，整體配搭味道相當不錯。

K11 今期係100%哆啦A夢& Friends巡回特展廣州站，進入主場館當然要收費，但係商場內外，都有好多展品係免費參觀，好多打卡位。