9/8/2026

09:00 到達羅湖，先去廣深城際列車電子售票機買電子票，最後成功買到C7026班次，09:35開。一等座只需90元，兒童仲半價45元，六歲以下免票，但係電子系統加唔到，惟有排番人工口查詢。應該係系統問題，連櫃台都加唔到，職員指示反正免票，直接帶小朋友入閘就可以。

買完票落樓下買個快早餐。安檢嚴格，但流程都好快，9:25已經入到閘內候車區。準點開車，由於呢班有中途站，所以人流名顯較多，霸唔到多一個位，如果有得揀，一小時直達快車更佳。

---

華北川

麻薯布丁 19.8元/2個，份量唔算大，麻薯濕潤煙韌，布甸奶香味勁濃，口感奶滑，入口即溶。

另一款提拉米蘇，係打卡寫評免費送，一件都二十幾蚊，真係非常抵寫。份量大，面層均勻撒滿微苦嘅可可粉，中和咗馬斯卡彭芝士嘅香濃奶香。蛋糕有咖啡味，朱古力味，餅底仲有朱古力脆脆，層次極之豐富。

---

11:00 未夠就順利到達廣州東，先去全季酒店放低行李，可以使用自助寄存行李櫃，非常方便。

第一站係萬勝圍，地鐵11號線到琶洲，轉8號線繼續。兩線車站隔得非常遠，出閘後要戶外行一段路再安檢入閘。車程大半個鐘，大約十二點到達萬勝圍。