27/10/2024 12:30

科學園發現呢間非常抵食嘅食料理，出品仲相當不錯，小店採用自助形式，堂食座位都非常闊落。人流唔多，好適合過嚟午餐。

黑豚扒雞扒石板燒定食 $98

非常澎湃嘅午餐，大大件黑豚扒，大大件雞扒放喺鐵板上燒，兩塊扒煎到黃金香脆，外皮脆脆，雞扒仲啖啖肉。黑豚扒非常嫩滑，味道幾甜，估唔到咁好食跟餐附上芝麻醬沙律，半隻溏心蛋，仲有飲品，真係非常抵食。

豬軟骨味玉豚骨湯拉麵 $60

湯底甜甜，拉麵都幾順滑亦掛湯，豬軟骨份量唔少，相當入味，軟骨又夠晒腍。味玉賣相不錯，半熟溏心，醬油味香，非常不錯。有齊木耳、魚板的配料，仲免費配麵豉湯，相當抵食。

極品雪花肥牛味玉黑蒜油拉麵 $68

賣相不錯，湯底有黑蒜油香，入口有豬骨湯味甜甜的，黑蒜油味道淡淡。肥牛非常腍滑，肥瘦適中。配上熱白桃烏龍茶，幾香甜濃味。