深圳中航城 4/1/2026 12:00

呢度主打韓式烤肉放題，食材選擇極之豐富，好滿足。肉類選擇多，五花肉、秘製肥牛、厚切五花肉放上高溫烤盤，發出誘人嘅滋滋聲響。燒到外層金黃焦脆，逼出多餘油脂，咬落去油香四溢，口感爽脆彈牙。肉類都醃得極入味，韓式微甜醬香，肉質軟腍多汁﹔仲有幾款海鮮類。

除咗高質烤肉，自助吧仲有好多款熟食、涼拌菜、壽司賣相都唔錯。最緊要係甜品、雪糕、飲品都係任食。

食物選擇多，都算幾新鮮，味道還好。以成人99元一位當食餐午餐係非常滿足。