西寶城 2/2/2025 12:00

豬軟骨湯米線 $55﹕豬軟骨煮得極為軟嫩，用筷子輕易就可以用骨肉分離。入口時，骨膠原豐富，肉味香濃。湯汁中充滿豬骨嘅香氣，米線相當順滑，入口不黏牙，帶著淡淡嘅米香，亦都吸收湯汁滋味，非常飽滿。

茉香綠茶 免費﹕茉莉花香氛細膩，唔會過於濃烈，清清涼涼，味道微甜，清爽解渴。

招牌牛筋牛肉麵 $57﹕牛筋煮到入口即化，牛肉亦非常鮮嫩，兩隻都吸收晒湯汁精華，入口時散發著濃郁嘅牛肉香，而且膠質重，柔嫩多。湯底醇厚又唔油膩，麵條韌性適中，質地順滑，都可以吸附湯汁。配料加入些少酸菜，味道微酸可以中和湯底嘅濃郁感，為整體風味增添清爽。

台式豬頸肉滷肉飯 $55﹕豬頸肉質地柔嫩，吸取晒濃郁香甜嘅滷汁，肉質細緻且略帶油花，經過滷製後，肉香與油脂融合，加入燉煮入味嘅肉碎，正好撈飯。醬汁以醬油、冰糖、五香粉等多種調料結合，油而不膩，香甜味美。暖笠笠嘅白飯吸附著濃郁滷汁，滋味又豐富。

芝麻珍珠 加$20﹕芝麻珍珠奶茶有濃郁嘅芝麻香，加入台或奶茶相融合，飲用時散發出濃郁嘅堅果芳香。奶茶茶香濃郁且順滑，加上芝麻嘅粒粒口感，再配以Q彈嘅珍珠，爽滑而不粘牙，相當不錯。