10/8/2025 17:30 盧家媽媽

奶油培根菌菇意麵 19元﹕奶香味濃郁，培根經過適度煸炒，釋放出鹹香同煙燻香氣。麵條硬度恰到好處，完美吸附了濃稠嘅白醬。醬汁滑順，奶味香醇而不膩，質地濃郁。菌菇片同洋蔥增加香甜味道，咁嘅價錢，絕對抵食。

肉多多冠軍披薩 18元﹕賣相吸引，六寸細細個但材料非常豐富。餅皮邊緣金黃酥脆嘅，餅皮厚度適中，外層烤得酥脆，內裡則有麵包嘅柔軟與嚼勁，搭配著融化嘅起芝士同大量配料，芝士多到可以拉絲，超級正! 餅皮上鋪滿了各式肉類配料，烤雞肉口感鮮嫩，味道惹味。仲有唔少粟米同青椒，整體口感更加豐富。基底醬汁微酸嘅沙律醬，平衡肉類嘅油膩感。

鮮芒奶黃披薩 18元﹕呢個披薩一反傳統，而是水果清甜口味。餅皮鋪滿了色澤鮮亮嘅芒果，仲有一疊柔滑嘅奶黃醬，再加上些芝司點綴。新鮮芒果香甜多汁，食得出果肉天然酸甜，奶黃醬香濃滑順，同芒果嘅清新好夾，奶黃甜膩中和左芒果嘅微酸味，將水果的清新，完美結合果香同奶香，創意之一味。

芝士玉米焗雞扒 18元﹕焦香金黃色嘅芝士完美覆蓋喺厚實嘅雞扒上，表面烤至微微焦脆。雞扒經過焗烤，外皮酥香，內裡肉質依然鮮嫩多汁，口感厚實。香濃嘅芝士帶來濃郁嘅奶香與微鹹，仲做到超強嘅拉絲效果。芝士低下仲有大量飽滿嘅玉米粒，清甜仲爆多汁，超正。

打卡送檸檬可樂，呢餐主打中國人嘅西餐，埋單只不過73元，款款味道都唔錯，超推!

---

10/8/2025 18:00 Yee3

新店剛開，23元一杯仲要買一送一

開心果椰子糖﹕係椰水嘅基礎上加入開心果奶蓋同開心果碎。淡淡的奶綠色澤係開心果奶蓋，有獨有嘅堅果香氣，口感順滑，甜度適中，仲有粒粒開心果碎。下面椰子水超清爽，天然甘甜與冰涼好清新。

奧利奧風暴椰子糖﹕呢款就係奧利奧加椰乳同奶蓋。黑白分明搶眼嘅外觀，最頂係奶蓋，有濃郁嘅奶香，口感絲滑，鹹甜味恰到好處，仲撒滿了黑色嘅奧利奧餅乾碎加一點甜。底下則係純淨嘅椰乳，口感清爽順滑，同奧利奧完美融合。

---

10/8/2025 20:30 廣銀腸粉

超大韭菜鮮肉煎餃 12元﹕煎餃大大隻，非常飽滿，外皮煎至金黃酥脆，內餡混合韭菜同肉料，味濃多汁，口感紮實。

豉油王韭黃牛肉腸粉 14.9元﹕廣州出名嘅小食腸粉，外皮厚薄適中，若隱若現見到內餡，粉皮口感軟糯嫩滑，帶米香。呢款內餡係鮮嫩嘅牛肉片，滑嫩不柴，仲加左韭黃爽脆香味。腸粉必須配搭靈魂豉油，油亮光澤，鹹中帶甜，鮮味不錯。

韭黃叉燒腸粉 15元﹕呢款內餡超多叉燒粒，切成細丁，肥瘦適中，蜜汁甜香，甜而不膩，肉香十足。

招牌韭黃鮮蝦腸粉 18元﹕呢款內餡係完整又大隻嘅鮮蝦，蝦肉新鮮飽滿，口感爽脆彈牙，海洋的天然鮮甜。

油條 5元﹕外皮脆脆，都幾鬆化。