26/12/2025 19:30 離開熱炒店，係墾丁大街閒逛，原來夜晚都幾旺。

迷客夏﹕大大杯珍珠鮮奶只需要NT$85，味道不錯。

Mr. Ball 專賣炸肉球﹕新鮮即炸，要等一陣，味道超香，拎上手熱辣辣。外皮超脆，又唔算太油膩，中間肉碎都幾綿密，牛味幾香。咖哩肉碎味道勁濃，微辣惹味。芝士肉餅爆晒漿勁吸引。

---

墾丁必吃最好吃烤魷魚 (NT$200)

一整條原隻大魷魚放上烤爐，聽到「滋滋」聲已經令人流晒口水。火候控制得啱啱好，表面燒到微焦，但入面依然保持鮮嫩多汁。大啖咬落去，肉質超級爽脆彈牙，完全唔會韌到咬唔開，食得出魷魚本身極之新鮮，真係原汁原味。烤醬汁甜甜鹹鹹，帶住蒜香同獨特嘅台式風味，經過高溫烘烤之後，完美依附喺魷魚表面，加上炭火嘅濃郁煙燻香氣，真係超級正!

---

墾丁大街尾熱氣球樂園

20:00 離開大街，大約15分鐘就返到民宿。

係大街7-11買到統一反轉布甸拎返民宿宵夜，焦糖係大部份，黃色雞蛋係頂層，幾得意，味道又唔算太甜，但好似傳統布甸好味啲。