深圳大中華希爾頓酒店 16/2/2025 12:00

餐廳環境一般，唔算太寬敞。食物選擇方面，雖然中、西、日嘅菜式種類都算係豐富，但部分選項嘅質素確實未如理想，例如壽司刺身區、凍海鮮區選擇唔算多，亦感覺不夠新鮮，食物都係一般貨色。熱食區有各種熱盤，選擇唔算多，有即製Pizza，熱狗。燒烤區算係最高級，有蒜蓉焗生蠔同即煎牛扒。牛扒算可以，外焦內嫩，都有牛味。甜品部分算好少少，種類算多，賣相都可以，蛋糕、奶凍都係預製款，味道都可以。雪糕係內地品牌。最大問題係補餐食嘅效率稍慢，食品好多都供不應求，服務亦感覺麻麻。SHERTON HOTEL內嘅自助餐廳，仲諗住係大品牌，點知真係一分錢一分貨。點評買券抵到爛1060元，5位送1位，兒童免費。所以品質都係咁上下。