朝拜點心名店,嗒一口「好~美~味~呀~~」驚喜叉燒包

by | 12 月 25, 2010 | 深水埗, 點心 | 0 comments

添好運點心專門店@深水埗
25/12/2010 19:30

添好運呢個名唔記得幾時開始突然冒起,幾乎等於一盎兩件嘅代名詞。
實在未能的起心肝去正店排四個鐘,今次去住深水埗新店止住痕。

 好彩要朝拜呢間一粒星新店只需45分鐘耐性。餐紙選擇不算特別多,都係一般正路都有嘅點心。

 
臘腸滑雞飯 ($17)、免治牛肉腸 ($15)、排骨 ($12)、燒賣 ($19)、牛肉 ($12)、粉果 ($10)。講真一般質素,雖然無特別驚喜,但肯定真材實料,新鮮熱辣。

值得一提佢嘅蝦餃 ($19),真正表現到咩叫晶瑩剔透、皮薄餡靚。一級棒!

酥皮焗叉燒包 ($14) 係此店必點名物。一上枱已經聞到陣陣牛油香味,保證新鮮出爐,熱辣辣。外層墨西哥皮酥酥脆脆,內餡嘅叉燒醬內真係有叉燒粒,同酥皮襯到絕。普通一個叉燒包,加左墨西哥皮,竟然會結合出如此驚喜嘅效果。就好似食完味吉陽一既料理,會忍唔住大叫「好~美~味~呀~~」咁。難怪在座每枱都最少叫番一兩碟打底,真係食兩個都唔夠。

老老實實,點心又唔係十分、非常、特別、極之咁好味。但一個驚喜度爆登,令人眼bling bling嘅酥皮焗叉燒包,已經能夠塞住你把口,足以補償番你浪費左45分鐘喺佢門口齋等冇得食嘅弱小心靈。

最後心甘情願拎張紅衫魚(二人同行價)找數。好滿足嘅聖誕夜。
網上有唔少人話深水埗始終都只係拷貝,點都唔夠旺角正店好。
嗯~睇黎點都要搵日花幾個鐘去旺角店一轉啦~

Archive

0 Comments

Submit a Comment

發佈留言必須填寫的電子郵件地址不會公開。

喜德家蝦仁水餃

深圳水貝IBC 3/12/2023 17:00 喜三鮮水餃 29 :水餃非常飽滿,被唔算十分薄,但係幾煙靭,本身味道唔錯。 西芹鮮肉水餃 26: 內餡飽滿,材料多。 香滷肉丸子 9: 一般般。...

陶陶居

深圳萬象天地 12/11/2023 10:30 成功抽到大眾點評免費試食二人餐。今日重臨萬象天地,一樓半戶外嘅平台就見到陶陶居。...

杭州小籠包

美團外賣@福田 22/11/2023 18:00 薄皮小籠包 (7個) 13元﹕超驚喜高質素出品! 皮非常薄但都無穿,肉餡比較腍身,充滿肉汁。配上秘制醬汁係咸甜醬油,加微酸加辣,辣得好過癮。...

唐記包點

唐記包點@馬鞍山 4/9/2020 13:00 16/6/2019 19:00  ...

和味館

和味館@長沙灣 25/8/2019 12:00 難得黎到長沙灣探麻麻,帶老人家去飲茶慢慢歎。就係屋企附近隨便搵間茶樓,原來是新開無耐的,環境不錯,相當新淨舒適。叫幾樣點心食下。...