27/10/2024 12:30
科學園發現呢間非常抵食嘅食料理，出品仲相當不錯，小店採用自助形式，堂食座位都非常闊落。人流唔多，好適合過嚟午餐。
黑豚扒雞扒石板燒定食 $98
非常澎湃嘅午餐，大大件黑豚扒，大大件雞扒放喺鐵板上燒，兩塊扒煎到黃金香脆，外皮脆脆，雞扒仲啖啖肉。黑豚扒非常嫩滑，味道幾甜，估唔到咁好食跟餐附上芝麻醬沙律，半隻溏心蛋，仲有飲品，真係非常抵食。
豬軟骨味玉豚骨湯拉麵 $60
湯底甜甜，拉麵都幾順滑亦掛湯，豬軟骨份量唔少，相當入味，軟骨又夠晒腍。味玉賣相不錯，半熟溏心，醬油味香，非常不錯。有齊木耳、魚板的配料，仲免費配麵豉湯，相當抵食。
極品雪花肥牛味玉黑蒜油拉麵 $68
賣相不錯，湯底有黑蒜油香，入口有豬骨湯味甜甜的，黑蒜油味道淡淡。肥牛非常腍滑，肥瘦適中。配上熱白桃烏龍茶，幾香甜濃味。
深圳中航城君尚 13/10/2024 18:00
大眾點評0元探店系列。
白玉抹茶椰冰、白玉抹茶大福：賣相不錯。兩個甜品其實非常相似，都有抹茶奶凍，但對抹茶控嚟講抹茶味不夠濃。白玉小丸子煙煙韌韌還算不錯。椰冰山反而不錯，食得出椰子味，加上一個雪糕球，另外加上椰奶味道幾香。
深圳皇庭V酒店 13/10/2024 12:00
福田區酒店，26樓視野一流，環境甚佳。美食應有盡有，最特別有鐵板燒、自選材料一人火鍋。甜品都靚，味道唔錯。人均$200多，兒童只需半價，抵食。
外賣@東門1234 11/10/2024 17:00
酸菜魚 48元：賣相對板，酸辣味適中，酸味濃郁卻不刺鼻，微微的辣度讓人感到剛剛好，加入少量花椒與香料。魚肉都幾多，平平哋可以一試，始終係大品牌比較優勝。
招牌粉絲裹蝦 29元：蒜香味非常濃郁，大蝦新鮮爽口非常彈牙，粉絲部分則是另一個亮點，整個吸收了蝦汁與醬汁的精華，充滿着醬油香氣。
江南綠茶餅 18元：酥脆的餅皮微微泛著金黃色澤，以香甜的芋泥為主，綿密細滑，每一口都帶著自然的甘甜，不膩口且回味無窮，茶香與芋泥的甜勁完美融合，味道微甜，不錯。
綠茶招牌炒飯 28元﹕每粒飯都被炒得粒粒分明，炒飯帶有少許鍋氣，仲有少量嘅雞蛋碎同其他用心挑選嘅材料，令整體層次更加豐富，每口都可以感受到飯粒吸收醬汁嘅鹹香。
筍崗寶能環球匯 15/10/2023 11:30
媽媽生日北上食好野，印象中呢間綠茶嘅裝修係非常有特色。星期日中午上來人唔多，可以坐一個小偏廳自成一角，仲有靚靚嘅裝修。
石鍋雞湯豆腐 35元﹕熱辣辣石鍋，豆腐嫰滑，配湯好易入口。
招牌粉絲裹蝦 38元﹕即席料理將生蝦燘成熟，滿滿蒜蓉配上索晒醬汁嘅粉絲，蝦都係爽口彈牙，非常高質素。
龍井茶香脆皮雞 48元﹕雞係脆皮的，肉質算嫰滑，可惜不見龍井茶香。
招牌石鍋沸騰飯 38元﹕上菜仍然沸騰，熱力非常，餸料都多，撈飯一流。
面包誘惑 32元﹕賣相吸引，麵包脆脆地，配上雪糕，冰火交融。
生日面﹕送嘅生日面竟然如此豐富，大大隻蝦仲有唔少配料，份量亦非常多。
兒童餐﹕有三個小朋友自動送上三份兒童餐，有甜甜南瓜米粥，可愛嘅流沙熊仔包，小朋友非常開心。
江南綠茶餅﹕賣相吸引招牌必食，類似麻糬煙煙韌韌，芝麻夠香。
菜品單價非常優惠，仲送呢樣果樣，最後埋單191元，5個大人加3個小朋友食得飽飽，呢個價錢呢個質素實在太難以至信。環境超乎預期嘅靚，仲有古箏即場演奏。服務員多，服務態度一流。要大大力推介!
釜山炸雞批薩
馬鞍山 10/10/2024 18:00
上次食過呢間炸雞非常好食，今次再來二訪，原來出咗新菜式。
炸雞二重奏 $219
上次試過五味炸雞，今次精選兩款口味雙拼，兩個味道都係小朋友最鍾意。炸雞仍然都係卜卜，啖啖肉。雙重芝味真係超級好食，芝士粉舖滿外皮，好香好甜，芝味十足。蜜糖芥末醬非常濃厚，酸酸甜甜，有醬汁比較濕潤。
皇者至尊比薩 $169
賣相好靚，材料豐富，舖滿豬肉粒、辣肉腸、粟米等，材料非常豐富。餅皮非常薄，芝士濃郁。可能焗得耐咗，餅皮有少少腍。而家買炸雞或者Pizza，就送一份小食，揀咗韓式熱狗，估唔到有四大件咁多，仲加咗茄汁同埋蜜糖芥茉，小朋友非常喜歡。
烤豬頸肉 $158
估唔到份量咁多，大大盒豬頸肉，食得出甜甜嘅韓式烤肉醬已經入晒味，灑上一啲芝麻更加香，而且肉質非常嫩滑。仲有一盒新鮮生菜，可以自行配搭上微辣嘅豆醬，更加惹味。仲有一款醬係有小蝦嘅海鮮味醬油，同埋勁辣又好食八爪魚。
焗芝士粟米 $45
最後加咗個芝士超多，勁濃厚，粟米粒係超級無敵咁甜，就係小朋友最鍾意嘅口味。
馬鞍山 14/10/2023 18:00
今日買外賣晚餐，小店就喺馬鞍山後街一個唔起眼嘅角落，一入門口就相當韓國感覺，原來老闆同廚師都係韓國人。效率非常高，外賣只需等15分鐘，兩大袋，分量十足嘅外賣新鮮整好。外賣包裝非常之好，仲有手套附上。打開包裝，實在太豐富，太澎湃啦！
五味炸雞 $239
主打韓國炸雞當然要試吓，呢一個五味炸雞，就啱晒選擇困難症嘅人，一次過試齊五種唔同口味。先食原味，外皮脆卜卜，中間仲有肉汁，唔油膩。炸雞仲有加左洋蔥蛋黃醬，洋蔥味濃帶微酸。蜜糖芥末醬更加重口味。甜辣醬好杰身，帶微辣好開胃。個人最鍾意雙重芝味，芝士粉舖滿外皮，好香好甜，芝味十足。
韓式烤肉PIZZA $169
首次試韓式Pizza，賣相好靚仲好大個，餅底有厚度，芝士超多做到拉絲效果，材料豐富，主要係肉粒、火腿粒等，醬汁係甜甜嘅韓式燒烤醬，味道不錯。
炸醬麵 $68
炸醬麵醬汁味道帶甜，配料有薯仔肉碎等，麵條粗粗地有啲似烏冬，口感煙韌，每條麵條都沾上醬汁。
芝士蛋卷 $108
超大份嘅蛋卷，煎得好靚好工整，略為實淨厚身嘅蛋卷，中層夾左芝士，加少少番茄醬美味十足。
估唔到係馬鞍山收埋左一間咁正宗嘅韓國餐廳。味道好，份量勁多。實在係外賣Party Food好選擇。
旺角 6/10/2024 13:00
滑蛋豬柳鍋定食 $79
賣相唔錯，豬柳與濃郁滑順的雞蛋完美融合，厚切豬柳肉質鮮嫩多汁，淋上充滿濃郁香甜嘅湯汁。鍋中的滑蛋柔潤輕盈，再搭配香甜的洋蔥。將雞蛋同湯汁淋在白飯上，正好夠拌飯。
照燒蒜香燒雞扒定食 $65
照燒雞扒微微焦脆，雞扒肉質鮮嫩，照燒醬甘甜中帶有一絲鹹香，濃郁而不膩口，加上大量蒜蓉提香，更添一份濃郁。
日式漢堡扒定食
日式漢堡扒肉香濃郁，口感紮實又鮮嫩多汁，煎至外層微酥，內部仍然柔潤多汁，輕輕一切便能看到肉汁緩緩流出。特製醬汁甜鹹濃稠。配上薯條炸至金黃酥脆，外表焦香酥脆，內裡細膩綿密。
日式牛舌拉麵定食
牛舌薄切片，入口鮮嫩Q彈且，帶有微微的炙烤香氣，滲透著肉汁，可惜實在太薄啦。日式拉麵偏軟輕微彈牙，湯底係牛骨湯，湯色清澈醇厚。半熟溏心蛋潤滑香濃，仲有豆芽、小葱與海苔點綴。
這份定食還附上新鮮的日式沙律，爽脆的生菜搭配清香的芝麻醬。白飯，再加上一碗鰹魚湯，仲有飲品，非常抵食。
