by admin | 11 月 29, 2024 | 外賣, 深圳, 甜品, 麵包
深圳之眼 29/11/2024 20:00
醇香巧克力灌漿曲奇 13.8元﹕完美融合左香濃巧克力同酥脆曲奇。曲奇外層係典型酥脆金黃，鬆脆質感脆卜卜。咬開曲奇就係濃稠嘅巧克力醬，帶一絲微苦，搭配曲奇嘅甜香。
麻糬布丁﹕糬層軟糯彈牙，布丁甜度恰到好處，入口即化，濃郁又軟滑，兩者結合，外韌內軟。
芋泥巴克斯蛋糕﹕蛋糕細緻而濕潤，輕盈細膩，入口即化，每一層夾雜著滑順芋泥內餡，帶芋頭天然香甜同綿密質感。芋泥與蛋糕一半一半，好有層次感。
水貝IBC 3/12/2023
肉鬆小貝比較濕潤，蛋糕比較實淨，醬汁唔算十分多。
朱古力麻糬 17.9元
麻糬布甸 19.8 元﹕麻糬腍左，但雞蛋布甸唔甜，幾滑。
崗廈北 22/10/2023
食過好嘢就食得比較多，今次買肉鬆小貝，一睇個賣相已經唔討好，肉鬆非常之少，仲有啲禿頭。肉鬆比較濕潤腍身，蛋糕比較實淨，醬汁適中唔算特別多。以個人鍾意重口味的話，鮑師傅係明顯好食好多。
傳說中嘅豆乳蛋撻都係名過其實，只係一般酥皮蛋撻上有豆乳味嘅類似布甸，再灑一啲糖粉，淡淡的豆香，微甜，但係唔覺得有咩特別。
最好食反而係最普通嘅朱古力麻糬，口感煙韌，朱古力味非常濃郁。
皇庭廣場 12/9/2023
麻糬 21.7元
泡芙 13.8元
小貝 4.5元x6
象山酥院實在太高人氣，尤其係皇庭廣場店，排隊排了好幾十人。終於買到朱古力和芝士麻糬條，再用點評優惠買奶油泡芙，最後就係大家嘅至愛
肉鬆小貝。滿滿一大袋滿載而歸拎返屋企手信。
皇庭廣場 14/5/2023
第一次是肉鬆小貝，肉鬆非常之多中間有沙律醬，非常芝味。唔覺意買多咗嘅角色麻糬，口感煙韌，芝士味有芝士味濃郁，朱古力亦濃，仲有類似提子略帶微酸，非常好食。
by admin | 11 月 29, 2024 | 小食, 拉麵, 日式料理, 深圳
深圳之眼 29/11/2024 19:30
平日雙人餐，兩拉麵加一小食 79.9元
經典味千拉麵
湯底奶白柔和有淡淡豚骨味，麵柔韌彈牙，吸收到湯底精華，叉燒肉質鮮嫩，油脂香甜，半熟溏心蛋算唔算。仲有其他配料如木耳絲、蔥花等，基本元素齊全，的確係平價拉麵之選。
胡椒濃厚骨湯拉麵
胡椒湯就帶多一份胡椒香辣口味。
大粒魔王牛腩拉麵配可樂 39元
完完全全是港式口味，五香味牛腩幾入味，湯底係牛骨清湯。
大阪章魚燒
章魚小丸預製品，外皮脆脆，中間軟腍有發現章魚，算是唔錯。
by admin | 11 月 29, 2024 | BB Friendly, 深圳, 燒烤, 韓國菜
深圳觀瀾湖 29/11/2024 13:00
工作日上嚟玩，當然要食工作日專享燒肉雙人餐 $158
薄切的五花肉醃製得恰到好處，原汁原味帶著醬料嘅香甜，油脂充足，肉質鮮嫩多汁。
牛五花肉薄切處理，肉質細膩油脂豐富，烤至外層微焦，醬汁鹹甜。
大叔秘制牛滿分每一塊肉都厚實飽滿，烤到外表微微焦脆，內裡依舊柔軟，加上醬料的甜香。
濟州島厚切豬五花厚切版本保留肉的完整口感，切成厚厚的肉塊，咬下時稍稍帶點韌道，搭配一點韓式辣醬增添辛香；或者撒上鹽粒突顯肉質原味。再用新鮮的生菜包裹，加入青蔥、蒜片和少許泡菜，更加清爽。
宮廷調味豬排甜鹹調味中，融入了些許果味的清香。肉質腍滑。
秘制雞腿排本身已好滑嫩，用生菜包裹雞肉，配上青蔥、蒜片和醬汁。
大叔風乾腸煙燻香氣，仲有豐滿脂香，外皮脆脆，內餡充滿有濃郁的肉味。
仲有湯汁滿滿又滑的菌類。
隨餐包括大叔橙橙百香果，橙味同百香果酸甜適中，清爽冰涼。
韓式炸醬麵 35元﹕炸醬被滿滿嘅紫菜覆蓋。豆瓣肉末味道濃香，甜中帶鹹，有豆醬同洋蔥嘅香甜。麵條柔韌有勁，再加上滿滿嘅紫菜，非常咸香又夠麻油香。
全程有工作人員幫烤，服務還不錯。價錢平，一分錢一分貨，材料叫做不過不失。
by admin | 11 月 24, 2024 | 外賣, 深圳, 甜品, 麵包
深圳海岸城 24/11/2024 19:00
爆漿芝士海綿蛋糕：蛋糕幾鬆軟，蛋味幾香，中間亦都有芝士夾層。
安心天鵝蛋 ：雞蛋蛋糕入邊加咗忌廉奶油，蛋糕微甜，幾有奶香味。
提子麻糬 12.9元/150g：細細粒，唔同顏色，有唔同口味，口感煙靭。
by admin | 11 月 24, 2024 | BB Friendly, Blog, 中菜, 深圳, 酒樓
深圳海雅繽紛城 24/11/2024 18:00
大眾點評儲分換到價值$400嘅一餐，呢間片皮鴨專門店非常熱門，深業上城店講緊下下排一個鐘。今日大老遠嚟到近寶安，估唔到完全唔使等。
套餐包括前菜藍莓山藥，賣相幾靚，山藥造成糕，粉粉腍腍，入口即溶，加咗少少藍莓果醬，酸酸甜甜，非常清爽。
芥香蝦球炸得香脆，蝦球大大隻非常爽口蛋白，加咗一啲類似蛋黃醬調味，但食唔出芥辣味，酸酸甜甜，味道不錯。
清炒芥蘭相當新鮮，爽脆。
北京烤鴨半隻，主菜北京填鴨係即場表演解體，片皮鴨上枱非常油膩有光澤，每塊皮都非常薄，冇乜肥膏，外皮非常香脆，暖笠笠，鴨肉都啖啖肉，加上薄薄嘅潤餅皮，醬汁甜甜的，按個人喜好加上青蔥同青瓜，非常好味。
同食北京烤鴨的確新鮮熱辣辣，貴就貴在睇埋即場解體Show。
by admin | 11 月 24, 2024 | BB Friendly, 中菜, 兒童餐, 深圳, 甜品, 西北菜, 親子餐廳
深圳寶安大千里 24/11/2024 14:00
週末帶娃套餐 163元
土豆紅蘿蔔小鍋牛腩：用小鍋呈上嘅牛腩，非常熱辣辣，又超級牛腩，煮得非常入味，仲有大量牛筋，非常軟腍，膠質豐富，仲有好多薯仔同紅蘿蔔，醬汁甜甜的好適合小朋友。
蕃茄鷹嘴豆牛仔骨拼蘑菇湯魚魚兒童套餐
親子餐包一個兒童餐，原價69元。有細細兩件牛仔骨，用蕃茄調味酸酸甜甜。蘑菇湯魚魚依然都好食，湯底香濃，有蘑菇味，魚仔粉細細條小朋友最鍾意。兒童餐相當豐富，另有一碗米粥，水果、蔬菜，仲有個奶酪甜品。
跟餐包括蔥油羅馬西生菜及米飯，非常夠飽。另外再加幾款小食。
羊肉水餃 37元：水餃皮有一定厚度，中間嘅肉餡豐富多汁，食得出羊膻味。加上酸醋，好開胃。
燒羊棒 49元：大大件，其實骨之間仲有好多肉，非常入味，仲有脂肪同埋筋膜，鍾意食骨嘅一定鍾意。
烤牛肉串 17元：孜然粉調味帶微辣，但略為有啲乾身。
打卡送冰奶棒，小朋友開心。的確係一間非常之適合親子嘅餐廳，小朋友有圍裙，畫紙同埋畫筆，絕不無聊，仲有好多糖果同埋氣球氹得小朋友好開心。
