克茗冰室

by admin | 1 月 31, 2025 | BB Friendly, 小食, 快餐, 深圳, 港式, 甜品, 茶餐廳, 麵包

寶安大仟里 31/1/2025 18:00

小熊冰冰港式奶茶 19元﹕港式經典奶茶加上小熊公仔，視覺享受大大提高。小熊公仔惹人喜愛，細緻又可愛。港式奶茶本身味道濃郁，茶香同奶香平衡不錯，茶底略帶微微甘苦味，加入淡奶變得柔和順口，口感香滑。隨著奶茶小熊慢慢融化，亦保持一陣陣冰涼，但不影響奶茶本身濃郁風味。不錯。

夢幻藍熊氣泡水 19元﹕夏日版藍色氣泡水，係梳打特飲，酸酸甜甜，小熊都係一樣咁可愛。

黯然四寶飯 39元﹕黯然飯仲有四寶食材，集多種美食於一碗中，實在相當豐富。主角當然係蜜汁叉燒，叉燒帶有蜜汁甜香，微微焦邊非常惹味香口。午餐肉係茶餐廳特色之一，咸香味美。滷水雞翼咸甜，煮得入味。一隻太陽蛋煎得靚，蛋白嫩滑蛋黃醇香。加上甜甜地嘅醬汁，濃郁的醬料與米飯融合，飯粒吸收左肉汁同醬汁，簡單而滋味。

星爺至愛公仔麵 33元﹕原來星爺至愛公仔麵有柱候牛腩，煮得入晒未，牛味香濃。加上茶餐廳招牌美食鹹香味美嘅午餐肉，滷水雞翼鹹中帶甜，醃得入味，嫩滑多汁。仲有太陽蛋，蛋白嫩滑，蛋黃流心。公仔麵湯底鹹甜適中且帶著濃郁嘅麻油味，麵條有適中咬勁，充分吸附湯汁，完全就係港式茶餐廳風味。

‘爆布芝士豬扒包 29元﹕香軟嘅麵包包住鮮嫰多汁嘅豬扒，淋上濃郁嘅芝士醬。豬扒經過精心醃製與煎烤，保持肉質鮮嫩多汁，外層有輕微焦香。麵包經過輕烤，外層稍帶酥香，內裡則柔軟蓬鬆，入口後帶一絲奶香。淋上融化嘅芝士醬更加迷人，散發出濃烈奶香，格外濃郁。芝士滑順可口，咸香味濃，整體搭配不錯，而且非常飽腹。

泥石流爆奶華 29元﹕唔洗切開多士已經出現泥石流爆奶真係非常正斗。多士本身蛋香味濃，金黃微脆，中間淋滿奶漿。再切開多士嘅一瞬間，再一埋內餡如岩漿般緩緩流出，真正做到「泥石流」嘅視覺效果。內餡係濃郁嘅奶漿，口感滑順，甜度適中，唔會過於膩口，加上朱古力粉，味道不錯。

小吃拼盤 29元﹕有四款小食，混醬豬腸粉質地滑嫩，加上甜醬同麻醬，將平淡嘅味道風味提升。混醬中甜、鹹、花生醬嘅香氣，加上醬油嘅甜味，簡單直接。咖哩魚蛋彈牙爽口，充分吸收左咖哩醬汁濃郁，帶香料微辣，惹味。蒜蓉雞翼尖肉質嫩滑，蒜蓉濃郁浸入肉中。泰式炸蝦條加左粟米帶天然香甜，蝦膠新鮮爽口，加上泰式辣醬，惹味。

舊金山西多士 19元﹕舊金山西多士外層經過煎煮，呈現金黃色，帶微微酥脆感。吐司本身鬆軟有彈性，內餡係花生醬，香氣濃郁，甜味適中。面頭加上鮮牛油同糖漿，牛油嘅鹹香提升左甜點嘅風味。

炸薯條 9元﹕新鮮即炸口感酥脆，內裡柔軟。

快樂爆漿雞蛋仔 19元﹕雞蛋仔有哥愛嘅外表，隻隻圓轆轆。雞蛋仔烤得金黃，雞蛋味非常香濃，中間綿密柔軟。內餡係奶油，一哎爆漿絕對流心，濃郁滑順。

云山晓渡

by admin | 1 月 31, 2025 | BB Friendly, 中菜, 深圳, 火鍋

壹方城 31/1/2025 11:30

滿牛全席大團圓2-3人餐 148元

九格步步高雙人餐 206元

九格步步高富寓意，賣相不錯，象徵著節節高升的好兆頭。九格應該包含唔同部位嘅牛肉，不過食落都差唔多。牛肉肉質鮮嫩，油花分布均勻。在火鍋的高湯中輕涮數秒，牛肉幾腍滑。牛骨湯底清香甘潤，與牛肉融合。

牛肉丸非常爽滑彈牙，一咬爆汁，品質不錯。仲有好多蔬菜瓜類，最鍾意公仔麵，加上香濃嘅沙茶醬，非常飽足。

牛肉品質還好，始終不及大品牌，勝在夠優惠。

Pepper Lunch

by admin | 1 月 30, 2025 | BB Friendly, 兒童餐, 日式料理, 馬鞍山

馬鞍山 30/1/2025 18:00

珍寶黑椒牛肉飯 $71﹕剛出爐嘅鐵板發出滋滋聲響，搭配熱氣升騰，好吸引。鮮嫩嘅牛肉片、白飯與甜玉米、青蔥一同排列，再搭配濃厚黑椒，色彩對比誘人。黑椒有濃郁嘅辛辣味，伴隨著蒜香味濃郁嘅醬汁，滲透米飯之中，非常好味。牛肉片薄而均勻，通過石板高溫快速煎封，牛肉保持粉紅色嘅半熟狀態，保留了肉汁同鮮香，所有材料再伴勻翻炒，牛肉片仲吸收左黑椒同油香，非常惹味。

黑毛和牛薄切牛扒 $128﹕鹿兒島產雪花和牛油脂豐富，油花分布均勻。喺熱騰騰嘅鐵板煎煮，慢慢變得粉紅色微熟狀態。口感細膩又多肉汁，牛肉香氣濃郁。

芝士滑蛋漢堡扒飯$69﹕兒童餐有一件手工漢堡排，漢堡肉餡有牛肉濃香，煎至金黃色，外皮微微焦香，中間仍保留鬆軟又嫩滑多汁。金黃色滑嫩蛋皮，可以同白飯同粟米撈勻，自製炒飯。兒童餐仲送上飲品，小朋友夠晒飽。

馬鞍山 28/7/2024 18:00

Pepper Lunch 新推出嘅兒童餐，更加豐富。芝士滑蛋漢堡$69，有大大件漢堡扒肉質豐富，滑蛋非常多，稍為煮下之後熟成度啱啱好，仲有大量嘅粟米同埋西蘭花，非常健康，岩小朋友。每一份仲附送小禮物撥扇。