外賣@中航城 23/2/2025 19:00
老壇酸菜魚 78元﹕湯底以酸為基調，辣為點綴，味道香，微酸開胃，讓人食欲大增，加入辣椒同花椒，微辣微麻，驚喜地加左幾片檸檬，多一陣清香果味，味道不錯。魚片新鮮魚片，每一塊都薄薄，煮得剛剛好，保持彈牙滑嫩，完整吸收湯底嘅酸香辣味。酸菜嫩脆帶韌，滿滿吸收左湯嘅精華。湯裡仲有現豆芽、豆腐皮、木耳等配料，搭飯無敵。
大良炸脆奶 4元﹕順德甜品經典之作，酥脆嘅外皮，薄薄的一層滿滿酥脆口感，感覺似麵包。中間包著香滑細膩嘅奶香內餡，口感柔滑，帶著濃郁奶香，甜而不膩。
三絲炒米粉 32元﹕柔韌的米粉吸滿醬香，保持韌性，不過分油膩，仲幾有鑊氣。搭配三絲包括胡蘿蔔、豆芽、蛋，味道微甜鮮爽，色彩繽紛又豐富，醬汁調得恰到好處。
魚香茄子飯 31元﹕魚香汁由豆瓣醬打底，混合蒜、薑、辣椒等多重調味融合，鹹中帶甜亦帶點微辣，令人食欲大開。茄子外皮略帶焦香，口感柔嫩，完全吸收了魚香汁味道，香氣撲鼻。咸鮮味香，仲有少許肉碎，撈飯正好。
中航城 23/2/2025 17:00
幻師烤鴨披薩 60元﹕披薩餅底煙韌鬆化，邊位薄得嚟仲帶少少脆，咬落去好有層次感。上面舖滿烤鴨，皮脆肉嫩，仲有陣陣獨特嘅香氣，甜甜地帶微辣嘅醬汁絕對加分，再加上唔少青瓜條同京蔥絲，好清新又平衡晒整體口感，正正就係北京烤鴨嘅味道。真係傳統同創意融合的一味。
悠閒下午茶 23.8元﹕一份甜品加飲品，非常抵食。甜甜圈配香草冰淇淋造型滿分，甜甜圈外脆內軟，口感鬆軟，仲有陣陣濃郁嘅牛油香氣。雪糕超滑溜，奶香味濃，冷凍嘅清新即刻撞到冬甩嘅溫暖，上面嘅朱古力醬畫得靚靚，仲有士多啤梨伴碟，不錯。青檸梳打酸味味，氣泡十足，非常清爽。
點評打卡送小食一份，我地兩個帳戶就送兩份，一份酥脆雞米花，外脆內嫩，每一口都係肉汁滿溢，炸得啱啱好，鹹香味仲帶住陣陣蒜香味。加埋蜜糖芥末醬，酸甜清爽。另一份薯條簡簡單單，外皮金黃香脆，內裏綿密細緻。
首次登記會員下單仲送飲品一杯，生椰拿鐵味道對版，咖啡味同椰香味平衡。
領展中心城 23/2/2025 12:30
深圳慫火鍋廠係一間好特別嘅火鍋店，值得一試！
首先，講下火鍋湯底。果蔬清湯(18元) 內加入咗多種新鮮水果同瓜菜，散發陣陣清甜果香，每一口湯感覺都好清爽，煮出嚟嘅味道帶有淡淡嘅果甜，正好中和咗油膩感。濃濃番茄湯(18元) 係勁濃郁嘅番茄味，有大大件鮮番茄，口感酸甜濃厚，回味無窮，令人一試愛上。最後一格選左免費嘅清水湯底，網友教用自助醬料加調味。
鮮。頭牌黃牛肉 48元﹕手切牛肉，賣相靚，肉片油花分佈均勻，入口滑嫩，品質都唔錯。
雞腿肉 9.9元﹕每件雞肉帶輕微嘅雞皮，口感非常嫰滑，抵食。
原切雪花肥牛 46元﹕肥牛片薄且柔嫩，油花分佈均勻，入口即化。
丸子三姐妹 28元﹕三款丸子牛丸、魚蛋、墨魚丸，鮮甜彈牙，口感不錯，抵食。
慫廠萌娃套餐 18元﹕最抵食嘅兒童餐。午餐肉、牛丸，粟米、蟹柳，仲有飽肚嘅手工麵。麵條彈牙幼滑，味道不錯，適合小朋友。
不限量自助台小料同燜飯 每位7元﹕紅蔥油燜飯絕對讚，新鮮熱辣，飯香味濃，可以食幾碗。
廣西茉莉輕奶綠加豆乳丸子 15元﹕味道對板，價錢合理。
港人優惠送鮮乳山生蠔 2隻﹕的確超巨型又新鮮，煮熟後非常鮮甜滑嫩，肉汁豐富，好幼滑，仲無乜腥味。
另一個大亮點係免費提供雪糕，餐後可以嚟一杯清甜冰涼嘅雪糕，化解食火鍋後嘅膩感。雪糕口感細滑，牛奶味香濃，甜甜的，非常好味。
適逢細路仔生日，揀左人人開心低調版生日服務，真係大大加分。店員哥哥模擬生日蛋糕吹蠟燭環節，送蛋糕公仔給小壽星，過程非常暖意。員工仲主動送上金幣俾小朋友夾公仔，總算有些少收穫，最緊要小朋友開心。
埋單只需 215元。點評48元買50元代金，平多8元。二百零數食火鍋，味道不錯，有得食有得玩又有禮物，絕對讚!
馬鞍山 21/2/2025 18:00
情人節期間限定甜蜜套餐 $68
甜蜜之戀：賣相實在太靚，係最甜蜜嘅士多啤梨布甸泡芙，一來就俾佢粉嫩嘅外表迷倒。外皮脆得勁香口，而內餡更加豐富。內餡溢滿士多啤梨同布甸嘅香甜，士多啤梨味布甸十分香濃，味道甜而不膩，口感滑溜溜，入口即溶。上下都加咗比利時朱古力醬，味道勁濃，食得出朱古力嘅甘香，仲加粒大大粒士多啤梨，酸甜度適中，正好解膩。
日式抹茶牛奶布甸：賣相又係好靚，我喺中間係特濃北海道牛乳布甸，一樣入口即溶奶味香，上限加咗抹茶味忌廉，抹茶味香，兩者配合不錯，口感滑溜細膩。
原味忌廉泡芙，中間係卡斯達忌廉，蛋味香濃，忌廉夠多，直頭一咬爆漿。
馬鞍山 2/11/2024 16:00
美團外賣 16/2/2025 18:00
又來買外賣紫菜包飯，奶香芝士紫菜包飯層次感豐富。米飯軟糯香滑，包裹住香脆爽口的蔬菜、新鮮濃郁的芝士、鹹香的火腿以及嫩滑的雞蛋等多種配料，特別是加入了濃郁的奶香芝士，添加左一份濃厚的奶香氣息。面層超大量嘅沙律醬先係重點，加一點酸酸甜甜，非常醒胃。
美團外賣 5/1/2025 19:00
韓式無骨炸雞 23元：招牌菜式炸雞，外皮金黃酥脆。雞肉又嫩滑多汁，而且無骨真係啖啖似。炸雞口味有多樣選擇，揀左原味韓式無骨炸骨，薄薄一層甜辣醬，甜中帶辣，幾過癮！
芝士雪花炸雞 33元：炸雞基礎上加上靈魂調味粉，滿滿嘅雪花芝士粉。芝士香濃帶點香甜味，一口食落去炸雞酥脆同芝士融合，味道中和得剛剛好，百吃不厭。
奶香芝士紫菜包飯 23元：米飯軟糯，包住香脆的蔬菜、芝士、火腿、蛋等，相當有層次感。加左濃郁嘅奶香芝士，味道更加濃厚，每樣配料都非常均衡，讓口感更加豐富。
味道唔差，平替之選。
美團外賣 16/2/2025 18:30
幾鍾意呢間專注於羊肉料理嘅餐廳，再次品嘗。
烤蒙古羊排 65元：必點之選，賣相已經令人食指大動。每條羊排都烤到金黃帶點微焦，油光閃閃，散發陣陣香味。羊排醃得好入味，有濃郁嘅孜然香氣，混合蒜香少量辣椒碎，帶微微辣味，非常惹味。羊排本身都啖啖肉，肉質嫩滑，筋位保持咬口，食起來唔乾柴，最緊要係濃厚嘅羊膻味，越食越上癮。
特色羊肉蒸餃 25元﹕蒸餃都由手工包製，餃皮厚厚的又軟糯，內餡飽滿，有大量羊肉加入唔同嘅香辛料同蔬菜混合，保留到羊肉濃郁嘅原香，鹹香適中又清新。最欣賞佢提供嘅酸醋醬油，咸香酸味足又有蒜香，大大加分。
新鮮黃牛肉蒸餃 25元﹕呢款係牛肉內餡，入口滑嫩多汁，食得出牛肉鮮香。
西葫蘆雞蛋鍋貼 25元﹕鍋貼煎至金黃酥脆，仲保持輕微酥脆。餃皮厚厚，內餡加入西葫蘆同雞蛋，估唔到兩者可以咁融合，鮮甜食落輕盈，又唔會覺得油膩。
美團外賣@深圳福田水圍 10/12/2023 18:00
喺福田水圍非常之出名嘅一間羊扒專門店，今日選擇咗外賣嘅形式品嚐。
烤蒙古羊排 65元：肥瘦適中，脂肪部份羊膻味非常重，肉汁豐富，孜然粉同少量嘅辣粉係蒙古風味主要來源。
烤法式羊排 75元 ：呢款係西式風味，比較自然嘅鹽同胡椒，仲有少少香草烤焗嘅味道，都係非常好食，可惜兩者味道分別唔太明顯。
西葫蘆雞蛋鍋貼 25元：外皮千的金黃鬆脆，內含包咗西萌蘆卡同雞蛋非常有趣，味道不錯。
特色羊肉蒸餃 25元：皮有厚度，內餡相當豐富，充滿着肉汁，薑汁味濃，好清爽。
所有菜色都好好味，鍾意食羊嘅我表示相當滿意。好食過香港好多西餐廳百幾二百嘅出品。
