by admin | 3 月 26, 2025 | BB Friendly, 外賣, 日式料理, 茶餐廳, 西餐, 馬鞍山
茶舍@馬鞍山
26/3/2025 12:00
三層芝士蕃茄焗牛扒飯 $72
23/12/2024 12:00
三層芝士蕃茄焗牛脷飯 $64
蕃茄醬味極濃，芝士真係非常多，炒飯底充滿着蛋香，牛脷煮得非常腍。
13/11/2024 12:00
豬扒蛋包飯﹕蛋包煎得又薄又滑，蛋香濃郁，完整包住白飯。豬扒就更加係亮點，本身豬扒夠厚身，又勁大塊，煎炸到外層香脆，內裡肉質嫩滑又唔柴，肉味十足，咸鮮味十足。
咖哩牛腩焗飯﹕一入口就已經感受到濃郁嘅咖喱香味，咖喱汁濃郁又滑溜，辛辣程度啱啱好，味道唔會太重，拌飯食啱啱好。牛腩煮得超入味，肉質又嫩又多汁，入口即化，仲有陣陣香濃嘅牛味。飯吸晒咖喱汁嘅香味，非常下飯。加上頂層焗到金黃嘅芝士更加係加分位！芝士濃香加勁香嘅咖喱勾埋一齊，真係無敵好味，仲有啲微焦嘅香味，更加誘惑。
3/11/2024 12:00
咖喱牛腩焗飯 $64﹕賣相吸引，飯面舖滿大大件牛腩。再加上焗嘅金黃芝士鋪面，焗出嚟嘅表層仲有微微嘅焦香。咖喱醬汁濃稠香滑，辛辣味適中，香料味濃，味道非常濃郁，拌飯食啱啱好，越食越開胃。牛腩煮得嫩滑，濃郁牛味。焗飯嘅飯粒好乾身，吸晒咖喱汁嘅精華，不錯。
蛋黃煙肉卡邦尼長通粉 $58﹕意粉煮得剛剛好，口感彈牙又夠實淨，每條都沾滿濃郁嘅蛋黃醬汁，香味四溢。煙肉煎得微微香脆，帶住鹹香，食落仲有少少煙燻氣息。卡邦尼醬汁嘅濃稠度調教得非常之好，唔會過稀亦唔會太厚，食幾啖都唔會覺得膩，奶香十足。
蒜蓉汁雞扒滑蛋包飯 $54﹕滑蛋真係做到絲滑般口感，香濃又順口，份量剛好。雞扒方煎得啱啱好，外層香脆，內裡肉質非常嫩滑多汁，每一啖都充滿雞肉鮮味。加左甜甜地嘅燒汁，滑蛋撈一齊食，非常惹味。份量亦相當足。
17/12/2023 19:00
29/10/2023 12:00
魔鬼芝士一口炸雞
極度邪惡嘅一款小食，炸雞香脆可口，芝士味極濃郁。
14/10/2023 9:00
早餐外賣
8/10/2023 11:30
幾鍾意屋企附近呢間茶餐廳，滑蛋飯系列非常正，滑蛋真係大大件，材料豐富。意粉亦相當足料。pizza新鮮即焗，材料相當多，餅底也不錯。柚子味雞翼有驚喜，柚子蜜糖非常香濃。價錢唔貴，性價比高。
by admin | 3 月 23, 2025 | 外賣, 快餐, 日式料理, 馬鞍山
馬鞍山 23/3/2025 19:00
牛丼 L$39﹕SUKIYA嘅牛肉有驚喜，肉質軟嫩卻不失嚼勁，脂肪分布恰到好處，燉煮到充分吸收醬汁香味，醬汁甘醇微甜，食得出味醂香味。加上香甜洋蔥都有滿滿嘅醬汁甜咪，送飯就一流。白飯味道幾香，份量唔少，非常飽足。
灸燒豚丼 L$48: 米飯上鋪滿了醬汁光澤嘅嫩滑豬肉。豬肉片口感鮮嫩多汁，帶著輕微脂肪油花，柔軟得來帶少許煙韌爽口感。豬肉片有厚厚嘅醬汁包裹，散發出甘醇的醬香，醬汁味道濃郁，鹹中帶甜，醬汁仲微微帶有一點點焦香炭烤嘅味道。
日式烤雞丼 L$48﹕雞肉都經過烹煮，質地柔嫩多汁，雞肉本身味道幾鮮甜，醬汁濃甜，仲有一點炭燒風味。輕輕加上一啲紫菜絲，吸收了雞肉醬汁，拌勻一齊食多一份鹹香。
馬鞍山 29/12/2024 19:00
蘑菇多蜜醬牛丼 L $48
日本大連鎖品牌。外賣都非常高質，今期限定蘑菇多蜜醬牛丼。熱辣辣嘅白飯鋪上牛肉薄片，再加蘑菇及特製蜜醬。牛肉薄片品質唔錯，肥瘦適中。牛肉充分吸收醬料甜鹹香氣，入味又柔軟，仲有非常多洋蔥，多一份香甜。搭配的蘑菇多蜜醬有蜜糖甜味加上松露香，非常惹味，好適合撈飯。面層仲加左超多芝士，多一份濃郁芝士咸香味，整體配合得非常之好。
by admin | 3 月 23, 2025 | BB Friendly, Blog, 西餐, 觀塘, 麵包
觀塘鴻圖道 23/3/2025 12:00
呢間餐廳坐得舒服，裝修用啲型格工業風。店員親切為小朋友送上畫紙同畫筆，大大加分。午餐餐牌款式多又好豐富，款款睇落都好吸引。
千島煙肉菠蘿和牛漢堡薯條 $168
賣相討好，見到材料一層一層疊起好吸引。麵包烤得脆脆，非常鬆軟。主角係和牛漢堡扒，外層微焦所以略帶一點苦味，嫩滑談不上，肉汁亦唔見得多，還好牛味算濃。反而香脆嘅煙肉帶煙燻香氣更為突出，加埋甜甜的烤菠蘿，帶微酸清爽，再淋上酸酸甜甜嘅千島醬，救番成件事。漢堡配上金黃香脆嘅薯條，外脆內軟，鹽分調味剛剛好，的確不錯。
卡邦尼扁意粉 $98
新鮮煮至剛剛好嘅扁意粉，質感煙韌彈牙，吸晒濃郁嘅卡邦尼醬汁。醬汁係滑順嘅忌廉，加上濃厚嘅芝士融合得剛好。材料有大量白蘑菇、煙肉等，非常豐富，最後再撒上帕瑪森芝士碎，芝士味更加濃郁。
意大利蘑菇煙肉薄餅 $118
一上枱就有啲失望，比上次黎食細左咁多。還好味道仲keep到。餅底厚薄得恰到好處，外層香脆微焦，咬落仲煙煙韌韌，而且舖滿芝士，脆卜卜又具香氣。餡料同醬料都俾得夠多，醬料番茄味濃，酸酸甜甜。上面鋪滿新鮮嘅蘑菇，菇味濃郁鮮甜，柔軟多汁。再配搭鹹香嘅煙肉，微微焦香咸香味濃，最緊要係一層厚厚嘅芝士，足夠拉絲。
by admin | 3 月 22, 2025 | Blog, 沙田, 法國菜, 甜品, 西餐
沙田新城市廣場 22/3/2025 14:00
星期六獎勵自己，同閨蜜過嚟沙田呢間時尚法國菜餐廳食早午餐套餐。有齊頭盤、主菜、飲品，仲可以追加甜品，實在太豐富。
炸黑松露蘑菇球：外層酥脆金黃脆卜卜，輕輕切開就聞到陣陣黑松露香氣，內裡係嫩滑綿密濃郁嘅菌菇餡料，黑松露味非常香濃。
法式三文魚醬配酸種麵包 +$25: 手工製作嘅酸種麵包外層烤至金黃酥脆，散發著天然麥香。三文魚醬勁豐富，啖啖魚肉，海味香濃，仲有好香嘅洋蔥味，係一道非常清爽嘅前菜。
烤龍蝦燴飯 $225 ：賣相太靚勁豪華，半隻龍蝦以芝士，忌廉汁烤焗，龍蝦非常鮮甜，啖啖肉。意大利燴飯味道香濃，每嚐一啖都充滿龍蝦香味同番茄味，飯粒保留住彈牙口感。
阿根廷安格斯肉眼牛扒 $205: 牛扒表面輕微烘烤至金黃微焦，紋理細膩。切開中間呈現粉紅色，最喜歡呢個熟成度。油花分佈均勻，肉質柔嫩，依然保持到豐富嘅肉汁。按個人喜好搭配特製忌廉肉汁或簡單加幾粒海鹽提味，已經好好味。薯條啖啖薯肉，沾一沾酸酸甜甜嘅蕃茄醬，非常滿足。
白蘭地大蜆鍋 $85：呢道菜最有驚喜，每一粒大蜆保留著海鮮本身嘅鮮甜味，中蜆又夠飽滿，味道甜甜。白蘭地忌廉醬汁味道相當清爽，襯托出蜆肉的鮮嫩。
巴黎式芝士蛋糕 $48：賣相好靚，呢款芝士蛋糕係暖笠笠，面層有脆卜卜嘅焦糖。蛋糕質地香滑軟綿綿，非常濕潤，除咗蛋香味同芝士味仲有好濃嘅水蜜桃味，相信中間加左唔少果肉，每啖都香甜又爽口。幾片無糖水蜜桃更加精彩，鮮甜再加丁點焦糖嘅甘苦味，完美。
Latte +$18：兩杯都有超靚嘅拉花非常值得打卡。滑溜嘅鮮奶同濃郁香醇嘅咖啡完美融合，每一啖都好順口。唔使加糖已經好好味。另外仲有一塊Lotus焦糖餅乾，暖暖又甜蜜。
全單$686，非常豐富，真係多謝好友萬歲。用餐環境舒適，好適合同閨蜜來一個周末午餐約會，慢慢嘆慢慢傾。
by admin | 3 月 16, 2025 | 外賣, 小食, 拉麵, 深圳, 韓國菜
深圳中航城 16/3/2025 19:00
炒雜菜 8元﹕除左雜菜仲有粉絲，粉絲吸滿甜甜嘅醬汁，非常滑溜入味， 口感煙韌。雜菜包括甜脆爽口嘅紅蘿蔔絲、椰菜、冬菇、木耳等，材料豐富，調味甜甜，麻油味香，細細一盒唔夠喉。
甜辣炸雞塊 15元﹕雞塊炸至金黃酥脆，外層脆脆的，唔算油膩，內裏嘅雞肉仍然保持嫩滑多汁。外層醺上甜辣醬汁，入口先嚐到甜甜嘅蜜味，隨後帶來小辣，味道不錯。
炸琵琶腿 9.9元﹕一隻小雞腿，外層炸得香脆，色澤對板，內裏保留住鮮嫩多汁，肉質腍滑，啖啖肉。外面加左蜜糖芥末醬，主調係嘅甜香微酸，最後一陣輕微刺鼻嘅芥末辣感。
帕瑪森芝士肥牛炸醬麵 32元﹕將濃郁芝士香氣、軟嫩肥牛同經典炸醬巧妙融合，幾創意嘅菜式，味道非常配合。麵條嫩滑彈牙，浸滿濃厚炸醬，豆瓣醬有獨特帶甜嘅鹹香，豆味香濃，本身麵底已好好食。再撈入啲帕瑪森芝士加一份奶香。肥牛肥瘦適中，薄薄一片吸收晒炸醬嘅醬汁，味道都好濃烈。
醬牛肉滑蛋拌飯 36元 ﹕醬牛肉份量都好多，牛肉非常入味，尚算鮮嫩多汁。醬汁類似豆醬甜醬油，醬香濃郁得黎卻又唔會過膩。滑蛋都算嫩滑，仍保留少許蛋液嘅質感，薄薄一層鋪喺飯面，伴隨醬汁用黎撈白飯就岩岩好。
隨餐送醬油鵪鶉蛋﹕有驚喜。鵪鶉蛋本身細膩柔滑，再浸入醬油醬汁，每一口都體現咗鹹、甜、鮮香。鵪鶉蛋蛋白彈滑細嫩，蛋黃濃厚，醬汁都完整滲透到蛋黃之中，一啖一粒，非常好味。
價錢唔貴，味道不錯，感覺幾正宗，值得再試。
by admin | 3 月 16, 2025 | 外賣, 深圳, 甜品, 麵包
深圳中航城君尚 16/3/2025 18:00
吳酥生近排推出了一款新包點有驚喜! 試食完後決定即買唔好錯過。
安佳黃油年糕 13.8元
麵包的外層金黃色，入口脆卜卜，散發出陣陣牛油香味，其實內餡藏著厚厚嘅年糕，口感超級Q彈軟糯，食得出天然米香，味道微甜，正正做到外脆內糯嘅口感，非常好味。最岩鍾意食黏黏糯糯嘅我。
閃電泡芙 7.8元
賣相非常靚，輕盈鬆軟嘅泡芙皮作為基底，外層微脆，仲灑上糖份。泡芙中間係豐厚細滑嘅奶油內餡，一咬爆漿，食得出雲尼拿香草味，忌廉輕柔清爽。
深圳中航城君尚 22/9/2024 17:00
提子Q心麻糬只需15.8元，絕對物超所值！每一粒麻糬都圓潤飽滿的小球，柔軟彈滑，內餡提子酸甜味美，用量實在慷慨。
肉鬆小貝僅僅18.8元共有六個，實在太抵食！每一粒小貝外觀都相當吸睛，肉鬆同海苔鋪滿表層，中間嘅蛋糕鬆軟又輕盈，滿滿奶油醬一咬爆開。
深圳中航城君尚 21/4/2024 18:00
知道呢一間包餅店好耐，終於試一試，價錢平過大品牌好多，但係質素相當唔錯，值得encore 。
豆乳蛋撻 9.8元x2: 賣相不錯，酥皮本身都幾酥脆，不過可能放耐咗有少少腍，中間嘅豆乳布甸豆味香濃，非常幼滑。
提子Q心麻糬 15.8元：一大袋份量都唔少，每粒波圓轆轆非常飽滿，口感柔軟又富有彈性，中間嘅提子乾俾得多，質素唔錯。
肉鬆小貝 18.8元：一盒有六個，相當抵食，賣相不錯，肉鬆海苔份量唔少，中間嘅蛋糕好鬆軟，醬汁非常多，爆晒出嚟，質素相當高。
