by admin | 6 月 30, 2025 | 中菜, 外賣, 馬鞍山
馬鞍山 30/6/2025 18:00
抵食好食，要encore!
黑椒雞扒飯 $46: 雞扒經過醃製，帶黑椒嘅辛香與醬料鹹香，煎至外皮微微焦黃，香氣十足，雞肉鮮嫩多汁的，微辣口味不錯。
椒鹽豬柳飯 $54: 椒鹽豬柳煎得香口，外酥內嫩，有濃郁椒鹽香氣，醃製得夠入味，鹹香帶蒜同青蔥香氣，仲有輕微辣味。
招牌海南雞飯 $58: 以滑嫩多汁嘅雞肉，雞肉鮮嫩，皮薄膠質豐富，入口即化。三種經典醬料——辣椒醬、薑蓉和甜醬油，為整道菜增添了豐富的層次感，每一口都充滿驚喜。每一粒米飯都有雞油同黃薑香氣，口感鬆軟而不黏膩，帶有一絲淡淡的辛香與溫暖的氣息。
扣除平台折扣$135 買到四盒飯，勁抵！
馬鞍山 1/6/2025 18:00
馬鞍山街市有一檔海南雞飯，平靚正。
招牌脫骨海南雞飯 $58: 賣相不錯，雞肉切得整齊，皮色金黃油亮有光澤。雞肉肉質滑嫩多汁，雞皮帶有一層薄薄嘅膠質，入口即化，無油膩感。搭配黃薑飯粒粒分明，散發著淡淡雞油香氣，仲有足夠嘅薑蓉同酸辣醬，辣椒醬酸辣適中，帶有蒜香，質素非常不錯。
香茅煎豬扒飯 $58: 份量多，香茅煎豬扒飯充滿東南亞風味，豬扒經過香茅醃製，外皮煎至金黃酥脆，中間嫩滑多汁。
海南鹽水嘉積鴨 $46: 鴨皮色澤金黃，入口滑嫩而唔油膩，鴨肉緊實，感受到肉質鮮甜同，味道咸香，仲加入多種香料，如八角、桂皮等，為鴨肉增添香氣。
扣除平台折扣$102，勁抵！
by admin | 6 月 29, 2025 | BB Friendly, Blog, 中菜, 九龍城, 日式料理, 火鍋, 親子餐廳
九龍城 29/6/2025 18:30
九龍城廣場對面有一間主打中式同日式嘅火鍋專門店，類似私房菜形式，非常高檔。
先來一個豪華刺身拼盆﹕一盤匯集左海花金古、冰鎮鮑魚、加拿大象拔蚌、北寄貝同三文魚，賣相勁吸引，滿滿奢華感。海花金古新鮮撈起即切，上碟時魚肉仲跳動緊，可見新鮮程度。魚肉呈半透明淡白色，切片厚薄適中，入口即能感受肉質天然嘅清甜，簡單沾少少芥末同日式醬油，足以突顯其鮮味。冰鎮鮑魚肉質飽滿，並且完整保留其天然精華。經過適當的低溫處理，鮑魚的鮮味緊實且有彈性，無需過多調味，自帶鮮美！鮑魚肉帶有微微的鹹甜新鮮度。象拔蚌切得薄薄，入口非常清爽，食得出微微嘅貝類甜味，脆脆的口感。北寄貝都係香甜煙韌，三文魚油脂豐富，整個刺身拼盆食得出的新鮮，滿滿海洋風味濃縮於一盆，超高質素。
椒鹽三文魚骨腩﹕作為開胃小食真係非常吸引。三文魚有金黃酥脆嘅炸粉，骨腩仍有唔少魚肉，肉質鮮嫩多汁，油香滿溢。椒鹽調味帶出鹹香與微微嘅辛辣，味道恰到好處。
鮮味卜卜蜆鍋﹕湯底有卜卜蜆，隻隻都大大隻，肉質飽滿，淡淡嘅鹹香海味，入口滑嫩，非常新鮮。湯底清甜，啖啖海鮮甜味，係一個相當百搭嘅火鍋湯底。湯窩本身加左粉絲，粉絲索晒湯汁，非常香甜。
手切鴛鴦牛﹕火鍋料揀左一份鴛鴦牛，油花勁靚，非常吸引。兩款牛肉都相當高質，只需要輕輕涮幾秒就可食用。肉質非常鮮嫩，口感順潤。首先安格斯肥油脂較為豐富，入口更加腍滑，油香味濃。另一款係特級鮮牛，牛肉更加濃厚，較有口感。湯底清爽，可以突顯牛肉天然香氣。
脆鯇魚片﹕輕輕燙十幾秒，魚片熟透微微捲起，已經感受到纖維緊實。脆鯇真係非常爽脆鮮嫩，無魚腥味，吸引左湯底嘅精華，更加香甜清爽。
稻庭烏冬﹕最後煮個烏冬，吸收晒所有海鮮嘅精華，味道香甜。本身烏冬又夠腍滑，伴湯食十分正斗。
洛神花大大杯﹕三十幾蚊咁大杯，非常解渴，味道酸酸甜甜，爽!
全餐由廚師發辦，總共$2708，價錢貴，但質素非常高質，幾對對得住價錢。
加上有一個兒童玩樂區，小朋友玩得開心，大人食得放心，輕輕鬆鬆享受一個晚上。
by admin | 6 月 29, 2025 | BB Friendly, 兒童餐, 小食, 沙田, 甜品, 西餐, 麵包, 麵食
沙田 29/6/2025 11:00
燒鴨胸配紅咖喱、薯仔雜菜 $53﹕賣相吸引，擺盆高檔。鴨胸煎得恰到好處，外皮金黃酥脆，帶有淡淡炭烤香氣，而中間係嫩粉色，熟成度剛好。入口嫰滑多汁，油脂適中滲透至肉中，食得出濃郁嘅鴨味香甜。醬汁融入東南亞風味，紅咖喱醇厚濃郁，香料味道豐富，有啖啖椰奶香氣，仲有姜黃同香茅，辣度適中，襯托鴨胸味道不錯。
海鮮扁意粉配芝士忌廉汁 $53﹕意粉上淋上綿密嘅芝士忌廉汁，舖滿魚柳同大蝦。魚柳肉質細緻而富有彈性，味道非常香甜，油脂適中，口感不錯，大蝦新鮮爽口。濃厚嘅芝士帶奶香與咸香，口感香滑而膩口，與海鮮料相當配合。意粉偏厚身，略有咬勁，可以吸附濃稠嘅芝士忌廉。
瑞典肉丸伴薯蓉及雜菜配忌廉汁 $26﹕每次必食嘅招標菜，肉丸爽口彈牙，內裡嫩滑多汁，加上紅莓醬帶微微酸甜，平衡肉丸嘅濃郁和忌廉汁奶香。薯蓉質地細膩而綿密，有濃郁奶香，淡淡咸味，濃香而不膩口。
燒汁雞肉丸 $9﹕醬汁係濃郁甘香嘅日式燒汁，味道濃香，帶焦糖香氣，附係雞肉丸表面增添光澤。雞肉丸細膩柔嫩，口感爽口彈牙，外層經過炙燒，微微焦香。
脆皮蜜糖腸 $10﹕外皮超級脆，中間鮮嫰多汁，腸肉蜜味香濃香氣，非常好食。
沙田 5/5/2025 11:00
脆魚柳兒童餐 $19
香草醃三文魚沙律 $36﹕片片橙紅光澤嘅三文魚鋪喺翠綠嘅沙律菜上，香草醃製嘅三文魚鹹香適中，魚肉細膩柔滑，沙律菜清脆爽口，平衡咗三文魚嘅油脂感，同時為整體增添清新感。而特製嘅調味醬係關鍵，酸酸甜甜提升三文魚嘅味道，個人最鍾意大量沾。
脆雞菠蘿漢堡配紅果子BBQ醬伴薯角、迷你沙律 $50﹕漢堡層次分明，非常豐富，賣相吸引。漢堡包非常鬆軟，炸雞外層炸到金黃香脆，內裡雞肉仲好嫩滑，保持到肉汁，加上啖啖清甜又多汁嘅菠蘿，富有熱帶風情。配料仲有大量新鮮生菜，添加清爽感。最鍾意紅果子醬，甜中帶酸，同炸雞好配合，提升成個漢堡嘅層次感，真係超惹味！薯角啖啖薯，調味適中，加少少茄汁已相當好食。仲有沙律菜新鮮，又多粟米，可以自加芝麻津律醬，酸酸甜甜。全餐仲送埋飲品，相當抵食。
瑞典肉丸伴薯蓉及雜菜配忌廉汁 $26﹕最愛ikea名物肉丸，肉丸肉質紮實，每一粒都有咬口，肉質仲好腍滑。除左本身嘅醬汁外，一定要少少紅果子醬，酸酸甜甜嘅果味平衡咗肉丸嘅濃郁，開胃又解膩。薯蓉口感細膩又有濃郁嘅牛油香，正。
轂飼西冷牛扒 $79﹕不至賣相靚連品質都相當好。牛扒面有靚靚嘅燒烤痕跡，切開牛扒中間粉嫩紅色相當不錯，油花分佈適中，腍滑又有筋位，牛味都算香濃又有肉汁。呢個價錢呢個質素真係超值。配上黑松露薯蓉、露筍同番茄仔，相當不錯。
開心果系列
開心果巴斯克蛋糕 $29﹕巴斯克蛋糕與開心果融合，就係芝士蛋糕黏黏實嘅口感，甜度適中，開心果味極濃郁，超級驚喜。
開心果新地筒 $9
三重開心果新地 $23﹕以濃郁開心果雪糕為基礎，加上開心果醬同果仁碎。開心果雪糕嘅堅果香味濃郁自然，每口都能感受到開心果獨有嘅清甜，口感勁幼滑，超輕盈。開心果醬係勁濃郁，將開心果味加倍提升。再灑上香脆嘅開心果仁點綴，脆卜卜，增添堅果香氣，亦帶微微咸香，真係三重享受。
by admin | 6 月 22, 2025 | 中菜, 外賣, 深圳
深圳KKOne 22/6/2025 18:00
五谷魚膠 38元：魚膠口感滑嫩Q彈，帶有淡淡海洋鮮味。搭配五谷包括糙米、薏仁、紅豆、黑米等，軟糯香甜，不過個人就唔太喜歡。
芥蘭菜脯炒粿條 38元：粿條炒得恰到好處，唔會過於油膩，保留左粿條滑嫩與彈性。菜脯帶鹹香，芥蘭算甜，但除此之外冇其他材料，非常單薄。
蒜苗肉碎燘豆乾 48元：豆乾切塊均勻，口感紮實，吸滿了肉碎燘煮後嘅醬香，鹹香入味。肉碎比較少，醬汁濃郁但不過鹹，還好。
整體嚟講味道麻麻哋。
by admin | 6 月 22, 2025 | BB Friendly, 中菜, 深圳, 點心
深圳KKOne 22/6/2025 17:00
香菇鮮肉水餃 17.9元﹕餃子皮厚薄適中，口感Q彈有嚼勁，可以鎖住飽滿嘅湯汁。內餡係豬肉口感扎實，有豐腴嘅肉汁，仲有香菇獨有嘅濃郁香氣。
玉米鮮肉水餃 21元﹕外形飽滿，餃子皮薄而有韌性，口感恰到好處，可以鎖住內餡湯汁，但又唔會感覺太厚重。咬開中間，內餡好豐富，粟米爽脆香甜，豬肉餡細膩多汁，非常不錯。
除左餃子，都幾鍾意佢嘅糖水。芝麻糊配芝麻湯圓(6元)，芝麻糊濃稠，而且香氣撲鼻，口感細滑順口。湯丸大大粒，外皮軟糯，內餡飽滿，滿滿嘅芝麻餡流出，散發著醇厚嘅芝麻香，甜而不膩。綠豆沙 (5元) 就較為清爽，用料都相當足。
打卡贈送紀念品，店員姐姐一來就送上三個冰箱貼同一個匙扣，都幾精美。
深圳水貝IBC 3/12/2023 17:00
喜三鮮水餃 29 ：水餃非常飽滿，被唔算十分薄，但係幾煙靭，本身味道唔錯。
西芹鮮肉水餃 26: 內餡飽滿，材料多。
香滷肉丸子 9: 一般般。
紅豆沙丸子 10: 估唔到係芝麻湯圓，味道不錯，有驚喜。可惜紅豆沙唔夠熱。
by admin | 6 月 22, 2025 | Blog, 外賣, 深圳, 甜品, 韓國菜
深圳KKOne 22/6/2025 16:00
呢款Minimelts顆粒狀雪糕非常有趣吸引。提供多款唔同口味，滿足各種口味偏好，細細粒好可愛，就好似一碗色彩繽紛嘅小寶石，唔同口味搭配不同色彩，非常吸引。粒粒雪糕與普通雪糕嘅滑順質地唔同，小顆粒更加冰凍，融化後味道香濃。揀左
雙巧克力味係黑白巧克力，黑巧克力濃醇苦甜，而白巧克力更細膩有豐富奶香，兩者混合，味道豐富。草莓味則帶著自然嘅酸甜果香，味道不錯。
雙杯要36元，價錢唔平，自費真係唔買。
