太子 31/1/2026 14:00
今日行經太子，被泰聚呢個泰式下午茶吸引，非常適合慢嘆一個下午。泰式下午茶非常靚，絕對值得打卡。先來兩層架，上層係柚子沙律，柚子肉粒粒飽滿多汁，每一啖都爆汁，非常香甜。撈埋泰式醬汁，仲有大大粒腰果，口感豐富，酸酸甜甜極之開胃。下層係香口炸物大集合，炸蝦餅厚切，非常彈牙，充滿鮮味，最岩點埋酸梅醬。泰式魚餅就有驚喜，口感結實得嚟帶有獨特嘅香料味，檸檬葉同豆角粒，非常惹味。炸雞翼脆卜卜，醃料好入味。咖哩春卷炸到金黃酥脆，餡料充滿濃郁嘅咖哩香，雜蔬等。仲有泰式鳳爪索晒泰式酸辣汁味道，充滿蒜蓉、辣椒、酸酸辣辣，非常入味。
芒果糯米飯靚到不得了，充滿夢幻感。除左有傳統嘅椰漿味白色，仲有一件係紫藍色。糯米飯煮得剛剛好，軟糯煙韌，帶住淡淡嘅米香同椰香。芒果勁甜，入口香甜完全無渣，果肉又多汁。最後淋上濃厚嘅椰奶，甜中帶少少鹹味，味道出色。
最後飲番杯泰式檸檬茶，過一個充滿東南亞風情嘅悠閒下午。
馬鞍山 29/1/2026 12:00
蒜蓉汁雞扒拼蜜糖腸意粉 $62﹕料理豐富，賣相吸引。雞扒煎到外層微脆，切開入面肉質依然保持嫩滑多汁。最正係蘸滿惹味嘅特製蒜蓉汁，非常香濃。蜜糖腸煎得香口，加埋掛滿醬汁嘅煙韌意粉，大啖大啖咁食真係超級開胃。
焗芝士葡汁雞皇飯 $62﹕面頭嗰層芝士焗到金黃微焦，拉晒絲極之邪惡。濃郁嘅椰奶香同微甜微辛嘅葡汁完美融合，醬汁質地極之順滑豐厚。入面嘅雞皇肉質軟腍入味，仲有薯仔雜菜同索晒汁嘅炒飯底，惹味。
馬鞍山 19/12/2025 18:00
下午茶外賣
乾炒牛河 $49﹕有驚喜，濃郁嘅豉油香同惹味鑊氣即刻撲鼻而來，牛肉切得夠晒大塊，咬落去軟腍入味，完全唔會嚡口。河粉炒得條條分明，均勻咁沾滿微甜老抽，入口煙韌滑溜，又唔會太油淋淋，配埋爽脆芽菜一齊食，大啖大啖入口真係極之滿足！
焗芝士卡邦尼魚柳飯 $52﹕面層烤到金黃微焦嘅芝士散發極濃奶香，有超吸引嘅拉絲效果，厚身魚柳外皮微脆，肉質極之鮮嫩。靈魂在於濃郁嘅卡邦尼醬汁，忌廉同蛋香完美包裹住每粒白飯，配埋鹹香脆口嘅煙肉粒，口感豐富得嚟又唔會覺得溜。
咖哩火腿雞扒飯$51﹕雞扒煎得皮脆肉滑，切開仲保留到豐富肉汁，配埋厚切嘅鹹香火腿，白飯吸滿晒惹味嘅咖哩精華，金黃色嘅微辣港式咖哩汁淋滿成碟飯，辛香撲鼻令人胃口大開。
馬鞍山 7/9/2025 17:00
香煎牛仔柳茄蓉意粉 $51﹕個賣相幾好，牛仔柳煎到表面有啲焦香，切開仲見到少少粉紅色，食落口肉質好嫩，個茄蓉意粉醬汁幾濃郁，酸甜度適中，幾開胃。意粉軟硬度啱啱好，每條都掛到汁，整體味道好夾。
香草蕃茄汁焗豬扒飯 $49﹕芝士焗到金黃色，仲有啲拉絲效果，非常吸引。豬扒好大塊，肉質鬆軟，蕃茄汁酸甜開胃，配埋炒飯底，撈埋啲芝士一齊食，啖啖都係滿足感。
XO醬豬扒炒烏冬 $49。鑊氣十足，豬扒切成條狀，幾入味，烏冬炒得好乾身，口感彈牙，唔會過腍。XO醬嘅鹹香同微辣增添咗唔少層次感，配埋洋蔥絲同芽菜，食落更加爽口惹味。
27/8/2025 12:00
咖喱雞扒飯
九龍灣 25/1/2026 18:00
紅酒燴厚切牛舌蛋包飯 $86﹕牛舌份量多，牛舌切得極之厚身，有驚喜。牛舌炆到極之軟腍入味，輕輕一咬就喺口腔入面化開，完全無半點韌度。配埋下面嗰層滑溜嘅半熟蛋，紅酒醬汁嘅微酸同濃郁蛋香完美融合，口感層次極之豐富，非常下飯。
黑椒牛柳配野菜丼 $88﹕牛柳用鐵板送上，熱辣辣，煎得極之香口，肉質鮮嫩多汁，牛味濃郁。黑椒醬汁調配得惹味，微微嘅辛辣感，絕對係送飯一流嘅配搭。最抵讚係加咗唔少新鮮野菜，翠綠清甜又爽脆，完美中和咗黑椒牛柳嘅厚重肉感。
唐揚炸雞豚骨湯拉麵 $68﹕豚骨湯底濃郁呈奶白色，入口鮮甜醇厚。拉麵麵條煙韌彈牙，掛湯能力高。即炸嘅唐揚炸雞，外皮炸到金黃酥脆，咬落去肉汁四溢，雞肉嫩滑無比，外脆內軟。
每個主食跟埋飲品，美味不錯，抵食!
深水埗 24/1/2025 1:30
深水埗出名多平民美食，尤其係嗰啲街坊小店。
排骨飯 $21: 排骨蒸得好腍滑，豆豉蒜蓉味好香濃，啲汁撈埋個飯真係一流。飯粒分明，吸晒排骨嘅肉汁精華
點心款款都係$15。燒賣大大粒，幾足料，食落去好彈牙。牛肉球鬆軟，充滿陳皮同芫荽味。
黑椒牛肉粒 $18: 估唔到份量咁多，牛肉粒粒色澤油潤亮麗，粉嫩多汁，肉味都幾濃，重點係個黑椒汁，辣味調較得剛剛好，加上洋蔥嘅甜味，撈飯一流。
鍋貼 $13/3: 煎到金黃香脆，菜肉餡料好足，一咬開肉汁就流出嚟，非常惹味。
菜肉包 $6: 包身夠鬆軟，入面嘅菜肉餡調味適中。輕微粉粉。
蘿蔔糕$7: 軟硬適中，食得出一粒粒清甜嘅蘿蔔，仲有臘味嘅鹹香同蝦米。
價錢夠貼地。
深圳福田口岸 19/1/2026 19:00
栗子芝士蛋糕 49元﹕有驚喜。啡色包裝盒更有格調，淡淡嘅栗子甘香同烘焙芝士味。蛋糕表面鋪滿厚厚嘅特製栗子蓉，賣相極之精緻。用刀輕輕切開，你會發現蛋糕質地真係好似雲朵咁輕盈，完全無傳統重芝士蛋糕嗰種厚重同黏膩感。芝士蛋糕入口即化。幼滑嘅栗子蓉帶出天然嘅堅果香氣，同香滑嘅忌廉芝士完美融合。最正嘅係，蛋糕入面仲隱藏住粒粒鮮甜嘅栗子肉。味道微甜，相當不錯。
崗廈北深圳之眼 18/1/2026 18:00
原味生煎包：灑滿咗黑芝麻同蔥花，香氣撲鼻，賣相極之吸引。包底金黃色，極之香脆。輕輕咬開一小口，鮮甜濃郁嘅豬肉湯汁即刻湧出嚟，入面個肉餡肥瘦適中，肉質鮮嫩彈牙。
升級版嘅蟹粉生煎包，將鮮香嘅蟹粉同豬肉融合。一咬開薄皮，金黃色嘅蟹油同清甜嘅湯汁即刻爆發出嚟，海鮮嘅甘香同豬肉嘅鮮味非常夾。蟹粉嘅份量畀得極之大方，食得出嗰陣醇厚嘅鮮味。
美團外賣 29/10/2025 19:00
外賣都保持質素， 十分不錯。
深圳in城市廣場 18/5/2025 17:30
小楊生煎 19.5元﹕小楊生煎嘅生煎包絕對係一大驚喜，令人回味無窮！每隻生煎包個底煎到金黃香脆，但頂部依然保持柔軟。包皮唔算太厚，口感彈牙。咬開一啖，最令人驚喜嘅係多到爆汁，肉汁仲熱辣辣，非常澎湃。肉餡扎實，充滿濃郁嘅肉香味，味道甜甜的，用料非常足。高質，性價比極高!
小楊鮮肉小籠 15元﹕小楊鮮肉小籠就係細膩版本。細細粒嘅小籠包白白靚靚，皮薄晶瑩，隱約可以看見內裡豐富嘅鮮肉餡料，賣相已經非常吸引。輕輕用筷子夾起，感受到包皮嘅堅韌同彈性。細細粒可以一啖一啖，又係一咬爆汁，湯汁濃郁而鮮甜唔會油膩。內餡充滿豬肉甜香，沾少少酸醋，味道更加清爽，完完全全停唔到口！
外賣都咁高汁，平靚正！
崗廈北深圳之眼 17/11/2024 17:30
蟹粉生煎雙人餐 31元
套餐包括一份蟹粉大蝦雙拼及魚丸湯。今期主題限定蟹粉生煎包，上枱新鮮熱辣，外皮金黃鬆脆，脆卜卜，中間有豐富嘅肉餡仲有蟹粉，味道不錯。另一款內餡有大大隻大蝦，好豪華。魚丸非常爽口彈牙，味道不錯。
小楊生煎四隻 12元
大眾點評優惠$12可以食到四隻小楊生煎包，好抵食。新鮮熱辣打開包皮，肉汁流晒出嚟，肉餡甜甜的，非常不錯。
深圳印力中心 14/1/2024 11:00
黎到印力中心食個簡簡單單brunch，想試呢間生煎包好耐，環境闊落，都坐得幾舒服。
意式牛肉套雙人C餐﹕三拼牛肉小楊生蝦、雞絲湯麵、魚丸湯、特色炸豬排 57.5元
意式牛肉套餐A﹕牛肉小楊雙拼、油豆腐百葉包粉絲湯 28元
生煎包新鮮熱辣，包厚皮，煎得香脆，中間爆多汁，肉餡都好豐富，味道唔錯。
魚丸爽口彈牙。炸豬扒略為乾身少少。粉絲湯份量多，粉絲吸收湯汁。
鮮雞湯鮮肉小餛飩 11元：份量唔少，一大碗，小雲吞皮薄材料多。
打卡送里脊肉 (原6元)：啖啖肉一串，調味不錯。
