鮑師傅
深圳中航城 29/3/2026 18:00
牛奶軟蛋糕 9.9元：呢款蛋糕主打「不加一滴水」，單單聽個賣點已經覺得極之有誠意。極之濃郁嘅天然蛋香已經直接撲鼻而來。大啖咬落去，每一啖都充滿住極度純粹嘅雞蛋鮮甜，完全食得出嗰份無添加嘅原汁原味。綿密細緻，觸感就好似雲朵咁柔軟。用手輕輕一撕，就可以感受到佢嗰種充滿彈性嘅質地。放入口嗰瞬間，蛋糕幾乎係入口即溶，軟滑得嚟完全唔會覺得乾爭爭。
蛋糕鬆鬆卷 15元：蛋糕入邊包住肉鬆，加咗沙律醬。其實就係松松小貝嘅簡單版。
漢堡印
深圳世紀匯 29/3/2026 17:00
安格斯鮮牛堡配黑松露醬薯條、可樂 31.4元﹕漢堡真係交足功課，一上枱已經聞到陣陣牛脂香氣。黑色麵包夠型格，烘得微微帶脆，入面依然保持鬆軟。安格斯牛肉扒勁厚切，煎得外層帶點微焦，鎖住入面豐富嘅肉汁。大啖咬落去，爆晒汁，肉質軟嫩又有牛味。配搭埋新鮮爽脆嘅生菜、鮮甜嘅番茄同埋半溶嘅芝士，口感層次極之豐富。醬汁係黑松露醬，菇菌味好香，仲有微微芥茉味，酸甜惹味。薯條炸得極之金黃酥脆，薯蓉依然綿密。
方形牛肉薄餅 19.9元﹕薄餅底烤得極之香脆薄身，咬落去好似餅乾咁脆口。上面鋪滿極之濃郁嘅半溶芝士同惹味嘅牛肉碎，用料極之慷慨。面頭嘅芝士即刻拉晒絲，調味不錯。
夏威夷和牛堡配塔塔醬薯條、可樂 30.9元﹕漢堡充滿熱帶風情，中間夾住咗一塊燒過嘅鮮甜菠蘿，酸酸甜甜嘅果香完美中和咗和牛嘅豐盈脂香，而且果汁超豐富。仲有一塊脆卜卜嘅煙肉，充滿咸香味，超正!
黑椒炸雞塊﹕金黃色嘅炸粉薄得嚟極之香口，唔太油油膩。入面嘅雞肉極之嫩滑多汁，保留住滿滿嘅雞肉鮮味仲有黑椒微辣。
汽水飲任添，出品有驚喜，價錢抵，點評仲有41元換50元代金券。新會員滿30元送小食一份，抵食!
漢陽廷自助烤肉火鍋
深圳皇廷廣場 29/3/2026 11:00
食一餐午餐嘅價錢可以無限自助的確爽快。自助餐最緊要係選擇夠多，呢度嘅肉類區、海鮮款都多，可惜肉款多數原味，醃肉味道亦唔算濃，口感一般。扇貝同青口算最好食，起碼鮮甜，蒜蓉辣油落得夠多，味道不錯。
除咗自己動手燒肉，熟食區款式仲多。各式炸物新鮮熱辣，炸鮮奶最好食，薯條夠脆。蛋撻香脆鬆化，蛋味香濃，好過香港好多餅店。熱盆仲有熱腸、菠蘿炒飯算非常不錯。各款甜品有自助冰粉、小蛋糕、布甸等。無限任飲嘅特飲最驚喜係有伯牙絕弦，冰涼透心，奶味香濃，或者不同款枝裝飲品。最後伊利雪糕無限添，味道還好。呢間店明顯燒烤料一般，熱盆更出色。點評做優惠，成人只需要69.9元，兒童39.9元，性價OK。暗地裡無限時食足兩個鐘呢個係幾開心。
芝加哥串燒酒場
太和 28/3/2026 14:00
星期六收工約同事食下午茶，揀左呢間串燒酒場，日頭去酒吧另外一番風味。叫左好多唔同款式嘅串燒，串燒拼盤超級澎湃，賣相勁靚。
串燒即叫即燒，香氣十足。每款串串燒得外焦內嫩。最鍾意食牛舌，燒烤微焦，口感爽口。荔枝豚肉串有驚喜，豬肉薄薄地燒得微焦，中間原來包住一粒超甜荔枝，果汁爆發，清新得嚟又惹味。原隻紙鶴雞皮好似薯片咁脆。
除咗肉類，菇類同海鮮亦都唔錯。雞髀菇極之厚身多汁。黑松露牛油芝士焗菌雜菌份量超多，黑松露味道勁香。白鱔燒到外皮脆卜卜，中間勁Juicy。
每款串燒都好好味，保留到食材原汁原味。一啖串燒一啖蘋果酒，三五知己來過Happy hour，超級滿足！
極品生燒乳豬串 $38﹕乳豬皮燒到極之香脆，咬落去索索聲。肉質保持嫩滑多汁，肥而不膩極有水準。
黯然叉燒串 $23﹕蜜汁完美包裹住半肥瘦嘅叉燒，外層帶點微焦香氣。入口肉質軟腍惹味，真係超好味。
荔枝豚肉串$25﹕豚肉嘅油香同荔枝嘅清甜完美結合，一咬即刻爆汁。清爽嘅果香中和晒肉脂感，配搭極之有驚喜。
蒲燒雞髀菇串 $18﹕雞髀菇厚肉彈牙，吸滿晒濃郁惹味嘅蒲燒醬汁。
和牛胸爽串 $26﹕口感爽脆，牛脂香氣大爆發，越嚼越出味。
韓式牛肋肉串 $29﹕牛肋肉肉質緊實有咬口，韓式醃料極之入味。微甜帶香嘅醬汁帶出牛肉鮮味，惹味到極。
汁燒牛小腸 $32﹕外層燒到微脆，咬開入面甘香嘅油脂即刻湧出嚟。醬汁濃厚香醇，處理得極之乾淨完全無異味。
煙燻和牛舌串 $38﹕厚切牛舌爽彈無比，煙燻香氣極之迷人。肉汁豐富兼且牛味濃郁，夠晒咸香。
汁燒牛頸脊串 $39﹕牛頸脊肉質極之腍滑，油花分佈得非常均勻。
原塊紙鶴雞皮 $19﹕雞皮燒到好似薯片咁薄脆，完全逼走晒多餘油份。惹味香口又唔會覺得肥膩，絕對係極佳嘅下酒菜。
鹽燒雞軟骨串 $16﹕簡單嘅鹽燒最能帶出鮮味，咬落去咯咯聲極之爽脆。淡淡嘅炭香配埋微鹹嘅調味，令人停唔到口。
黑糖雞髀肉串 $19﹕嫩滑嘅雞髀肉加上微甜嘅黑糖，帶有焦香味，雞肉嫰滑Juicy，非常好食。
黑椒雞腎串 $19﹕雞腎爽口彈牙，完全唔會覺得韌。黑椒嘅辛香刺激完美帶出內臟鮮味，越食越開胃。
手工雞翅釀飯串 $28﹕雞全翼去骨後塞滿惹味炒飯，外皮燒到金黃香脆。飯粒吸滿晒雞油精華，口感豐富又飽肚，辣味好刺激。
加芝士焦糖玉子燒 $43﹕面頭嘅芝士燒到微焦，玉子軟滑，味道勁香甜，邪惡得嚟極之滿足。
雞皮墨魚滑串 $33﹕香脆嘅雞皮包住極之彈牙嘅墨魚滑，口感對比超級強烈。鮮甜嘅海鮮味同雞皮嘅脂香互相輝映，極具創意。
黑松露牛油芝士焗雜菌 $45﹕份量超多，黑松露撲鼻而來，雜菌完美吸收晒牛油同芝士嘅精華。
炭燒黑椒牛西冷 $58﹕牛西冷燒得外香內嫩，鎖住鮮甜肉汁，黑椒嘅微辣完美帶出牛肉本身嘅濃厚肉味。
明太子多士 $28﹕多士烘得酥脆無比，面頭鋪滿鹹香微辣嘅明太子醬，滿滿嘅海洋鮮味令人回味。
極品羊西冷串 $38﹕羊肉嫩滑無筋，羶香適中完全唔會覺得刺鼻，肉汁豐富。
紐西蘭羊架 $39﹕羊架肉質軟腍多汁，炭火高溫完美封住表面嘅肉汁。淡淡嘅羊脂香氣配上惹味香料，極好味。
牛油帆立貝串 $38﹕巨型帆立貝極之鮮甜肉厚，牛油香氣完全滲透入去，嫩滑無比，滿口都係海洋嘅鮮味。
無骨白鱔串 $58﹕白鱔皮燒到極之香脆，魚肉保持肥美嫩滑兼彈牙，魚脂香氣極度豐滿。
脆炸3.6牛乳 $28﹕外層炸得極之金黃酥脆，咬開入面係鮮甜牛乳，奶香濃郁得嚟唔會太甜。
芝士年糕串 $32﹕年糕外層微脆，一咬開入面嘅芝士即刻拉晒絲，煙韌軟糯嘅口感配埋鹹香芝士，邪惡又好食。
蒲燒鰻魚串 $29﹕鰻魚肉質綿密肥美，蒲燒醬汁極之濃郁甘甜。
Magners Original Apple Cider $58﹕蘋果酒極之冰涼透心，帶有天然清甜嘅蘋果果香。微酸解膩嘅味道配搭串燒，簡直係絕配。
Flames
觀塘鴻圖道 22/3/2026 18:00
今日經過觀塘搵食，食過呢間餐廳嘅午餐相當不錯，今日再來試晚餐。
燒大蝦三文魚籽龍蝦汁扁意粉 $158﹕賣相勁豪華，大大隻燒蝦上面舖滿三文魚籽，有驚喜。大蝦非常新鮮，肉質爽脆鮮甜，帶住陣陣惹味嘅炭烤香氣。最正係加埋面頭鋪滿嘅三文魚籽，一咬落去爆發出滿滿嘅海水咸鮮味。龍蝦汁極之濃郁，每一條扁意粉都掛滿晒鮮甜嘅味道，口感煙韌彈牙，整體黎講味道非常豐富。
卡邦尼溫泉蛋芝士長螺絲粉 $138﹕長螺絲粉嘅坑紋完美吸滿濃郁嘅芝士白汁，大啖食落去滿口都係奶香。將中間嗰隻溫泉蛋輕輕篤穿，等滑溜嘅流心蛋黃慢慢流出嚟，撈埋煙肉同芝士汁一齊食，口感變得更加幼滑細膩。煙肉粒脆脆地又夠鹹香。
燒烤醬雞肉薄餅 $178﹕薄餅底焗到極之金黃香脆，但中間依然保持到軟熟嘅麵粉香。上面塗滿極之惹味嘅特製燒烤醬，酸酸甜甜超級開胃。面頭鋪滿厚切嘅嫩滑雞肉粒同埋大量芝士，用料極之豐富。熱辣辣一塊拉起，芝士拉絲效果極佳，配料超惹味。
牛響度
黃埔 22/3/2026 12:00
以往都幾鍾意呢間牛骨湯麵，原來出左套餐，一款麵+小食+飲品，非常抵食!
牛筋牛腩肥牛手工麵 $78﹕餸料勁多，牛筋炆到極之軟腍入味，入口即化，充滿骨膠原。牛腩大大件，啖啖肉，肥牛肥瘦適中，煮得入味。最抵讚係佢哋個牛骨湯底，清澈，入口醇厚鮮甜，飲完都唔會覺得口渴。手工麵煙韌彈牙，又掛湯。
牛舌、炸雞扒手工麵 $72﹕份量十足，厚切
牛舌軟嫩得嚟又帶點爽脆，即炸嘅雞扒炸到金黃酥脆，肉質嫩滑多汁。
小食揀左A5和牛慕絲甜品，賣相超得意，神級還原，紅白相間嘅雪花紋理極之逼真，望落完全係一塊頂級嘅生和牛，打卡一流。原來係士多啤梨慕絲，質地輕盈，入口即化，味道都相當濃郁，甜度啱啱好。
粟米豬肉小雲吞 $48，細細粒，皮薄料多，粟米超甜，小朋友最鍾意。
