深圳卓悅中心 13/4/2025 11:00

點評抽到尊享體驗雙人餐，位於卓悅中心，方便，環境又相當不錯。

煙燻三文魚沙拉﹕沙律選用煙燻三文魚作為主角，散發出濃郁煙燻香味，質感細膩柔滑。加入新鮮嘅有機蔬菜，生菜、芝麻菜、車厘茄等，再配酸甜多汁嘅橙肉，最後淋上特製嘅沙律汁，酸酸甜甜令人胃口大開。色彩繽紛，味道與賣相同樣迷人。

果木炭碳烤翼板肉﹕超熱辣上菜，黎到已經聞到香噴噴嘅牛味。賣相靚，牛肉中間非常粉嫩。翼板肉油花分佈均勻，肉質嫩滑多汁，經果木炭火細心燒烤，外層帶有微微焦脆嘅口感，中間仲保留肉嘅鮮味同肉汁，肉味香濃。搭配秘製黑椒汁同燒汁，非常高品質嘅主菜之選。

地中海海鮮墨魚麵﹕以濃郁墨魚汁調製而成嘅手工意粉，口感彈牙而滑溜，加入新鮮嘅海鮮素材，好似鮮甜嘅蜆、大蝦、魷魚，完美地呈現咗地中海嘅特色風味。調味帶蒜香同少許辣椒，香氣撲鼻之餘亦帶有輕輕嘅辣感。

香濃栗子南瓜湯﹕湯質感幼滑細緻，南瓜嘅甜香與栗子獨特嘅濃郁果香完美融合，每一口都散發自然香氣。湯濃稠綿密，入口即化，本身帶有淡淡奶香，甜而不膩。

蜜桃烏龍茶﹕蜜桃烏龍茶絕呈現琥珀色帶淡淡蜜桃色調，烏龍茶香清新微微苦澀，伴隨濃郁蜜桃果香，茶香同果香互相呼應，濃而不膩，味道清新平衡。

溫泉蛋三文魚拌飯 78元﹕另外散叫兩款，價錢唔算貴。賣相簡約精緻，色彩搭配和諧，滿滿嘅三文魚拌係飯入面，三文魚肉質鮮嫩、油脂層豐富。飯有白番茄酸甜味，仲吸收左三文魚油脂。當溫泉蛋輕輕一戳，蛋黃緩緩流出，包裹住每一粒飯，為整道拌飯增添潤滑口感。飯面加左芝士碎同紫菜碎點綴，帶一點鹹香海味。

花束蛋糕 68元﹕花束蛋糕令人一見傾心，外觀就似盛開嘅花，其實中間就係大自然風景，最特別係中間嘅藍色啫喱湖泊，仲有幾朵朱古力小花同食用花朵。切開中間，蛋糕每層細緻分明，係大地自然色系嘅抹茶提拉米素。蛋糕鬆軟濕潤，帶有淡淡嘅奶香與雞蛋香同抹茶香，甜度適中。忌廉質地幼滑輕盈，入口即化。