尖沙咀 28/8/2026 20:00

今日放學，喺尖沙咀搵食，呢間有晚餐都非常抵食。店內好多小熊貓裝飾，非常可愛。

酸菜魚飯 $86﹕呢份酸菜魚飯份量十足，一上枱就聞到酸菜香氣。魚片份量勁多，大大片，肉質滑嫩無骨，吸收晒金黃酸爽嘅酸菜湯汁。湯底揀左唔辣，酸麻味道足，已經非常好食。酸菜爽脆多汁，仲有茶樹菇香氣十足。

農家小炒牛肉飯 $76﹕呢道農家小炒牛肉勁夠鑊氣。牛肉切得大片厚薄均勻，大火快炒下保持軟嫩多汁且唔會過老。加入大量新鮮洋蔥香蒜，辛香四溢，鹹香味濃郁，撈埋勁香甜嘅洋蔥一齊食，勁好送飯。

芒芒梳打 & 凍柚子茶﹕兩款凍飲絕對係最佳拍檔。芒芒梳打充滿濃郁嘅芒果甜香，氣泡感十足，入口冰涼清爽、果香撲鼻；凍柚子茶柑橘果香，底層帶有絲絲柚子果肉，微酸微甜，非常解膩，透心涼。