太子 22/8/2026 13:30

稀有澳洲『全血』和牛 Blackmore M9+: 呢款頂級稀有嘅澳洲全血 Blackmore M9+ 和牛油花分佈極之細密均勻，呈現出大理石般嘅漂亮紋理。放落壽喜燒汁輕輕灼幾秒，肉片吸收咗微甜醇厚嘅醬汁精華，滿口都係濃郁嘅牛油脂香同甘甜肉味，肉味香濃，肉質厚實。

黑安格斯牛小排：今次特意將野菜拼盤轉成牛小排，滿足感即刻倍增。黑安格斯牛小排肉質軟滑，油脂更加豐富，經過壽喜燒汁烹煮後，肉質軟嫩，吸晒醬汁的香甜。沾上生日本蛋液，味道更加柔和。

追加嘅日本葛絲絕對係壽喜燒嘅靈魂配角。葛絲晶瑩剔透，煮熟後質地滑溜且極具彈性，最重要係能夠完完全全吸飽鍋入面濃郁嘅和牛油脂與壽喜燒甜醬油精華，滑溜又入味。

無加一，全單剛好$500，高級享受。