太子 9/5/2026 13:30

「肉香之追求」和牛封門柳壽喜燒 $288、黑安格斯小排 $150

今次去太子試咗八不壽喜燒，整體感覺相當滿足，無論食材質素、配搭，定係用餐氣氛都好正宗。壽喜燒鍋底甜鹹平衡得好，醬油香同淡淡甘甜，愈煮愈入味，每款食材都吸滿精華。

和牛封門柳配黑安格斯小排賣相靚，油花非常均勻。放入壽喜燒湯底輕輕一灼，牛味即刻更突出，和牛封門柳油香濃郁，油脂分布平均，入口柔嫩。黑安格斯牛小排肉質相對結實少少，依然保持嫩滑，牛香濃厚。配料方面，稻庭烏冬 $22 絕對值得一讚。麵條幼滑彈牙，掛汁能力高，吸收咗壽喜燒湯底之後特別惹味，每一啖都帶住甜甜鹹鹹嘅香氣。日本葛絲 $28 口感爽滑，晶瑩剔透，入口順滑。日本蛋 $10 更加係靈魂所在，蛋汁色澤金黃，質感濃稠，用嚟蘸住牛肉食，牛肉變得更滑，亦中和咗壽喜燒嘅濃味，令整體更圓潤。