灣仔 20/6/2026 14:00

八寶套餐 基本八款料$72，部份高級材料加$3/$5就有。湯底揀左潮汕沙茶湯配火鍋麵，陣陣濃郁沙茶香，味道甜甜地非常濃厚花生香，鹹香惹味。火鍋麵煙韌爽彈，吸晒沙茶湯嘅精華。八寶套餐可以自選八款材料，滑牛肉就嫩滑多，同沙茶湯超夾。魚腐夠鬆軟勁索汁，手打牛丸彈牙多汁，豬大腸超肥美，鯛魚片滑溜溜又鮮甜。特製沾醬(+$3) 勁香蒜蓉，輕微辣味，加分。套餐配飲品，特飲(+$5)，非常飽足。

番茄濃湯底米線，陣陣濃郁番茄香，味道酸酸甜甜，仲有啖涼番茄肉。米線滑溜吸滿晒番茄湯嘅精華。墨魚丸爽脆彈牙，蟹子丸飽滿嘅蟹子喺丸入面，芝士腸腸衣脆卜卜，粟米蝦卷蝦肉爽彈鮮甜。

自家製酸梅青檸烏龍茶﹕陣陣酸梅香同烏龍茶香，酸度夠晒鮮明，青檸嘅清新酸香同烏龍茶嘅醇厚回甘，甜得嚟又夠清爽，非常醒胃。

自家製洛神花山楂蘋果﹕花香同微微果酸山楂嘅酸甜醒胃，蘋果味道天然清甜。

自家製桂花蜜烏梅冰粉 $18﹕冰粉本身Q彈爽滑，晶瑩剔透，入口即化，桂花蜜酸酸甜甜，加上山楂凍，清新酸甜，整體黎講非常解膩。