深圳南山 1/2/2025 15:00

用點評發起積分換咗兩份下午茶。

「呆會」個名改得真係好，顧名思義就係想你喺度發吓呆、放空吓。

巴斯克芝士蛋糕賣相吸引，表面焗到焦糖色，上面唧左忌廉，仲灑左粉紅色嘅糖粉，隻碟都好靚。蛋糕芝士味香濃，但較為冰感實在。

黑森林蛋糕賣相非常精緻，感覺到海綿蛋糕非常濕潤鬆軟。入口先係濃郁嘅黑朱古力味，帶少少苦，完全唔會死甜。最驚喜係中間夾心嘅車厘子醬同果肉，酸酸甜甜。

配搭嘅凍咖啡拿鐵亦都好出色。分層做得好靚，打卡一流。攪勻之後飲，奶味香滑得嚟唔會蓋過咖啡嘅風頭。佢哋用嘅豆似係帶有堅果風味，飲落去有種烘焙嘅焦香，回甘味幾好。

熱拿鐵拉花做得好精緻，奶泡打得夠綿密厚實。咖啡帶堅果香氣，同牛奶嘅甜味融合，入口順滑。