沙田 8/6/2025 11:00

抹雲椰藍 $36: 賣相超級靚，頂層有抹茶，中層藍色嘅椰水，慢慢漸變白色厚乳，非常有夏天氣息。抹茶濃郁清香，奶蓋帶鹹香味。中間椰香味非常濃郁，口感奶滑，非常清新。

三倍厚抹 $39: 抹茶愛好者都會鍾意呢款三倍厚抹。千目抹茶茶底濃郁，清香，帶微微嘅苦澀味，最後回甘，奶香味平衡。底層係抹茶麻糬，仲暖暖地，黏度高，一口糯滋滋，整體嚟講味道微甜。最後仲有抹茶凍，滑嘟嘟，口感非常豐富。但比較深圳版本，可能缺少咗加配濃郁同加倍麻糬嘅選項，所以冇深圳咁好食。