尖沙咀 18/7/2026 14:00

今次嚟到尖沙咀家家戶戶試地道韓國菜，叫左兩個套餐，配菜有齊泡菜海帶湯等，非常豐富，賣相都好靚。泡菜酸辣爽脆、鹹鮮惹味，酸中帶少少甘甜、辣度岩岩好。海帶湯底鮮甜清潤，少少胡椒微辣夠開胃。

韓式牛肉炒粉絲 $98，炒粉絲配料都幾多，韓式粉絲晶瑩通透，爽口彈牙，陣陣麻油香味。牛肉嫩滑多汁，調味適中，再加上大量爽脆嘅雜菜，健康之選。

牛肉韓式什錦飯 $102﹕一大碗什錦飯鋪滿鋪滿嫩滑牛肉、大量菠菜、翠玉瓜、蘿蔔絲同一隻金黃流心蛋，再擺一舀鮮紅辣醬。將所有材料拌勻，鹹甜帶微辣，越撈越入味，層次豐富。