沙田石門 6/8/2026 14:00

煮干醬油豚骨博多拉麵豬軟骨 $68: 湯底濃郁，豚骨香同乾魚仔嘅鮮甜，醬油味香濃醇厚。博多拉麵條掛汁力十足，口感煙韌彈牙。主角豬軟骨炆到極之軟淋，軟骨部分一咬即化，吸滿晒濃郁嘅湯汁，食落非常滿足。

魚介豚骨醬油叉燒拉麵 $58: 魚介嘅鮮香同豚骨嘅濃厚平衡，叉燒厚切帶淡淡嘅焦香，肉質軟嫩入味，啖啖都係濃郁嘅肉香。

溏心蛋 $6:絕對係拉麵嘅完美配角，蛋白口感滑溜入面嘅蛋黃呈半熟流心狀，質地綿密香濃。浸透咗淡淡嘅醬油香氣。

雞軟骨餃 $10: 外皮煎到金黃酥脆。餃子入面嘅肉餡飽滿，特別加入咗爽脆嘅雞軟骨，咬落爽口。

燒汁雞皮餃子 $20: 邪惡感十足，外層用咗香脆嘅雞皮代替傳統餃子皮，包住惹味嘅肉餡，經過燒烤後充滿油脂香。面頭淋上惹味嘅燒汁，外脆內嫩，口感非常獨特。

黑豆漿$9

無加一，全單$195，抵食。