深圳領展中心城 13/4/2025 17:00

點評探店得兩杯飲品加一件蛋糕。

抹茶草莓鮮奶

透明杯裝住清晰分層嘅飲料，底層係鮮紅嘅草莓果醬，中層係雪白香滑嘅鮮奶，而頂層就係翠綠濃郁嘅抹茶。抹茶有醇厚香氣，散發住天然茶香，微微帶點甘苦，香濃嘅鮮奶加一點柔和，入口本身細緻順滑。草莓醬清甜微酸，搖勻各層材料，味道相當平衡，可惜冰略多，整體感覺略淡。

抹茶奶酪醬莓莓

透明杯中展現住迷人嘅層次，底層係紅色莓果沙冰，冰感略重，大啖淡嘅酸甜草莓香。上邊鋪咗薄薄一層抹茶奶酪，淡淡嘅奶香為沙冰增添一層柔和，輕微嘅鹹鮮味。頂層係極具質感嘅抹茶醬，散發住清新淡雅嘅茶香，質感濃稠，微苦。感覺抹茶是不錯的。

黑金抹茶卷

外觀不錯，深黑蛋糕卷體包住鮮明翠綠嘅抹茶餡料，層次分明。黑色嘅外皮柔軟而富有韌性，帶有淡淡嘅蛋香氣，咬起來有適當嘅濕潤感。內層嘅抹茶餡料茶香濃郁，帶微微苦甘味道，味道微甜，整體配合得不錯，感覺上甜品好過飲品。