深圳福田 Coco Park 12/4/2026 11:30

點評積分換霸王餐。

春熙台呢份小食五併極具誠意，包含了韓式魚片、厚燒玉子、麻油炒菜、香煎小魚與經典泡菜。韓式魚片彈牙入味。厚燒玉子口感極度綿密軟嫩，蛋香十足，中間仲有蟹柳絲，小朋友最愛。麻油炒菜夠惹味，泡菜酸辣適中。煎魚外皮煎得金黃酥脆，裡頭的魚肉依然保持細嫩多汁。

韓式多料牛肉拌飯﹕熱騰騰，已聞到濃郁嘅麻油香。飯面鋪滿了豐富嘅配料，五顏六色嘅蔬菜絲與份量十足嘅軟嫩牛肉配搭，顏色靚，賣相不錯。牛肉夠入味，味道香甜，肉質滑順。上面仲加左大量麻油紫菜，口感香脆，加上特製嘅韓式辣醬，然後大口拌勻。每一啖都能有多種材料，香甜帶微辣，非常惹味。