萬象食家 15/3/2026 11:00

點評積分換兩份單人餐。

多料牛肉拌飯一上枱，嗰陣陣香氣，色彩繽紛，牛肉、蔬菜、蛋黃同米飯完美融合，睇住都覺得滿足。牛肉煎得啱啱好，嫩滑多汁，仲帶住韓式醬料嘅甜辣香氣，配埋爽口嘅蔬菜，仲有嗰粒金黃嘅蛋黃，輕輕拌開，蛋黃流落去包住每粒飯，超豐富。

牛肉雪濃湯飯：呢碗湯飯真係暖胃又暖心！牛骨湯奶白色色，濃郁得嚟又唔會過膩。牛肉片嫩滑得嚟仲帶少少肉香，配埋軟糯嘅白飯，溫暖飽足。

小食五併：五款韓式小食一次過滿足你嘅味蕾，每一款都係經典。有韓式魚片、厚燒玉子、蔬菜、煎魚等。泡菜仲可以無限任添，酸辣開胃，食完仲想再叫多一份！