深圳海岸城 14/6/2026 16:30

筆記禮盒換的茶餐廳單人餐共兩份

試左兩款經典港式美味，乾炒牛河鑊氣撲鼻，河粉炒到條條分明，油潤亮澤，河粉本身滑溜溜都夠彈牙，牛肉就嫩滑多汁，肉味濃郁，醃得入味。河粉夾埋炒到微微焦香嘅芽菜同蔥段，爽脆清香，味道不錯。

三絲炒米粉﹕米粉炒到乾爽分明，見配料都非常多。米粉煙韌彈牙又爽口，大量肉絲，醃得夠入味，幼細嫩滑﹔火腿絲帶點鹹鮮夠惹味﹔蛋絲香軟味濃，加上仲有唔少芬菜，夠鑊氣又唔覺油膩。

最後飲茶檸檬可樂，清新酸香，酸酸甜甜，透心涼。檸檬茶都非常夠檸檬味，茶香濃郁。